E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Dështimi i Edmond Spahos me aferën CEZ/Si e shpartalloi komisionin hetimor kërmilli i PD

10 Shkurt 2017, 08:53, Aktualitet CNA

Disa herë CityNews ka sjellë materiale dhe komente ekskluzive në lidhje me nën/kryetarin e PD Edmond Spaho. Një individ i ngritur në detyrë politike për shkak të servilizmit të tij “të shquar”. Një personazh kompleks me lidhje të forta tek Soros.

Në një publikim të pak kohëve më parë sollëm një material duke e krahasuar karrierën e tij politike me kërmillin. ?Një ditë shqiponja u nis për në malin ku kishte folenë, i cili ishte shumë i lartë. Fluturon e fluturon derisa më në fund arrin tek foleja e saj. Kur arrin, ajo shikon kërmillin dhe e pyet e habitur: Po ti si arrite deri këtu ?! Duke u lëpirë- i përgjigjet kermilli? Një fabul e vjetër latine e sjellë mjeshtërisht nga La Fonten i shkon shumë një prej drejtuesve të PD-së sot. Ai është nënkryetari i PD-së, Edmond Spaho. Në fakt, ai e ka bezdi ta thërrasin nënkryetari i partisë, preferon të quhet nënkryetari i parlamentit, detyrë që në fakt e mori duke u sjellë si kërmill.

Nuk ka asnjë gjurmë asnjë vepër politike. Thjesht duke bërë rolin e kërmillit ka mundur të jetë aty ku ndodhet sot. Megjithëse e kishte pensionin politik të garantuar kohë më parë, shpëtoi falë lëpirjes.

Po pse vetëm lëpirja dhe jo politika?

Për ta kuptuar se çfarë dështaku i paaftë është mjafton të krahasojmë komisionet hetimore për CEZ. Në një anë Taulant Balla i cili publikon dokumenta, nxjer lajme, thërret ish-kryeministrin në komision dhe prej shumë kohës komisionin e ka kthyer në qendër të vëmendjes politike. Faturën e një skandali të qeverisë Rama ja ka kaluar qeverisë të PD.

Në anën tjetër përballë Taulantit është Edmondi i PD ose kërmilli politik . Është kaq i zoti në politikë sa asnjëherë nuk prodhoi asnjë lajm në komision. Jo se nuk e japin mediat, por sepse ai nuk di ta bëjë atë punë. Është thjesht i paaftë dhe mbi kuriz i kanë ngarkuar ca thasë më shumë. A mundet një kërmill të mbajë peshën e një kali?

Komisioni i CEZ që drejtohet nga opozita, mund të ishte një aksion politik i pandalshëm, ku qeveria duhet të denoncohej me fakte dhe në kapej ?mat? për një nga çështjet më të akuzuara nga opozita.

Kërmilli nuk mundi të bënte asgjë, thjesht dhe vetëm firmos borderonë për ca lekë më shumë si kryetar komisioni, se për politikë dhe sukses nuk mundi kurrë.

Ky komision tregoi dhe vërtetoi atë që CityNews ka shkruar me kohë për Spahon, kërmijtë mund të ngjiten lart por ngelen kërmij./Citynews