web counter
LEXO PA REKLAMA!

SHKARKO APP

App Store
Google Play

Manjani “kërcënon” Ramën/ Zbatoni ligjin, ndryshe ...!

2 Shkurt 2017, 08:37, Aktualitet CNA

Ish-ministri i Drejtësisë, Ylli Manjani, ka reaguar pas intervistës së kryeministrit Edi Rama një natë më parë, ku foli dhe për shkarkimin e tij.

Sipas Manjanit, kryeministri konfirmoi se nuk e sheh qeverinë si institucion kushtetues e ligjor, por si një skuadër që kërcen kur e si do ai.

Ndërsa ka shkuar dhe më tej, duke thënë se ministri i Drejtësisë nuk është mbledhës topash që lëshon kryeministri kuturu.

Ish-ministri Manjani ?kërcënoi? kryeministri Rama, teksa i kërkoi të zbatojë ligjin, ndryshe të shkojë në Prokurori.

Ja reagimi i Manjanit:
Përshëndetje,
Kryeministri e konfirmoi sonte në Tonight se nuk e sheh qeverinë si institucion kushetues e ligjor, por si një skuadër që kërcen kur e si do ai. Parrulla të tipit “qeveria është e imja, penalltine e gjuaj unë” i përkasin vetëm filmave të Realizmit Socialist dhe jo realitetit demokratik! Jo për gjë po “penalltinë” që gjuajti për Hillarinë e humbi! E humbi në kurriz të interesit publik.
Ministri i Drejtësisë është mbrojtës i Kushtetutës dhe Ligjit dhe jo mbledhës topash që lëshon Kryeministri kuturu. Skuadra e Kryeministrit bën më mirë të zbatojë ligjin e të sillet si qeveri sesa të shkojë ashtu siç është në Prokurori! Të paktën një gjë e mohoi, atë motivacionin qesharak… Koalicionit ende i uroj “shërim të shpejtë”!/CityNews





Lajmet e fundit nga