E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

Pse protesta e opozitës është një lajm i mirë

1 Shkurt 2017, 19:58, Aktualitet CNA

Opozita e kryesuar nga PD ka njoftuar një protestë më 18 shkurt. Vendimin e bëri publik sot kreu demokrat Lulzim Basha. Një lajm deri diku i papritur për stilin e Bashës, që në katër vite opozitë ka bërë shumë pak protesta, ato janë në numër sa gishtat e një dore.

Me vlerë është fakti se protesta e opozitës dhe PD është një lajm i mirë për shqiptarët.

Një protestë që duhet të ishte thirrur kohë më parë, por më mirë vonë se kurrë. Lulzim Basha, kërkon të mbledhë në shesh shqiptarët në një moment shumë të favorshëm politik për PD dhe atë personalisht. Protesta vjen menjeherë pas akuzave të forta të disa ministrave të kabinetit Rama për drogën, krimin dhe korrupsionin në qeveri.

Basha gjen një datë afër ditës symbol të rrëzimit të monumentit të diktatorit Hoxha, por thelbin politik ja shton edhe me kauzat e munguara të opozitës të cilat në fakt skanë pasur protesta por vetëm konferenca shtypi. Ato kanë qenë qëndrime të vazhdueshme, por vlera e tyre është shumë më e ulët se postimet e Berishës apo debatet dhe qëndrimet e forta në parlament të opozitës.

Lulzim Basha thërret një protestë jo vetëm politikisht në një moment mjaft të favorshëm për opozitën. Nuk janë vetëm akuzat e ministrave të kabinetit, por edhe shumë e shumë akuza të tjera, të cilat fillojnë me koncesionet, korrupsionin, varfërinë, klientelizmin, çensurën mediatike pa lënë mënjanë pushtetin e palimit të një kryeministri dhe një kryetari kuvendi që çdo sekondë të ditës punojnë për të kapur gjithçka kanë si oreks personal.

Opozita është kritikuar si apatike, e dobët dhe Basha si një njeri i mefshtë politikisht, ai me këtë protestë kërkon të ?tregojë? dhëmbët. Basha dhe opozita gjejnë një moment kur mazhoranca dhe pjesët e saj grinden për pazare. Ky është një moment kur PD nuk duhet ti japë më asnjë hapësirë Ilir Metës dhe të kryqëzojë atë njësoj kryeministrin Rama.

Protesta e opozitës është një lajm i mirë për shqiptarët dhe demokracinë, për të treguar se në Shqipëri ka një palë tjetër përtej shumicës qeverisëse, një palë e cila ka qenë e dobët, por më në fund përpiqet të reagojë, jo më me ciu ciu nga selia, por në shesh duke treguar se mazhoranca dhe zullumet e saj kanë një kundërshtar të vërtetë.

Ky është një reagim i vonuar, kundërshtari i vonuar në aksion është personalisht Lulzim Basha, tani pritet që kreu PD të mos ndajë përgjysëm zullumin e qeverisë siç ka coptuar opozitën, por të jetë frontal në këtë betejë, të bashkojë demokratët jo vetëm me një protestë dhe një fjalim, por me një aksion të plotë politik kundër qeverisë.

Protesta e opozitës është një lajm i mirë edhe për mazhorancën që duhet të shkundet nga pluhuri që i la opozita mbi supe. Një lajm i mirë për shqiptarët e lodhur nga ?Rilindja? dhe premtimet e saj të pambajtura. Një lajm i mirë është edhe fakti që opozita dhe në veçanti Lulzim Basha u zgjuan nga ?gjumi? dhe po dalin në aksion jo vetëm për politikisht./Citynews