E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Hetimet për CEZ/ Taulant Balla: Kemi prova të paimagjinueshme, s’keni parë gjë akoma

1 Shkurt 2017, 18:47, Aktualitet CNA

Kryetari i Komisionit Hetimor për çështjen e CEZ, Taulant Balla, ka folur pas përfundimit të mbledhjes së Komisionit, ku i pranishëm si dëshmitari ishte edhe Shkëlzen Berisha, i cili nuk pranoi të betohej pasi tha se mes tij dhe Ballës ka konflikt interesi.

Balla është dënuar me vendim gjykate për shpifje, në një çështje që lidhet me familjen Berisha.

Por, si u shpreh se ?Ai le të kthejë 7 milionë eurot, pa ia paguajmë ne gjobën?, batutë e cila ka shkaktuar dhe të qeshura mes anëtarëve të komisionit.

Balla tha se ishte një seancë dëgjimore me 3 dëshmitarë duke përfshirë edhe Shkëlzen Berishën për të cilin tha se dëshmia e tij nuk ka vlerë, pasi refuzoi të betohej. Më tej Balla tha se Nue Kalaj dhe Shkëlzen Berisha kanë përfituar 7 milionë dollarë nga privatizimi i CEZ.

?Ishte një seancë e programuar dëgjimore me 3 dëshmitarë, ku 2 prej të cilëve janë dëshmitarë kyç. Jemi në një fazë që po hetojmë një transaksion bankar, pas firmosjes së privatizimit të CEZ. Transaksioni është zhvilluar në 16 qershor nga një bankë me qendër në Ceki me një bankë të nivelit të dyte në Shqipëri. Është një person i përfshirë që quhet Nue Kalaj që luan rolin e sekserit. Ky person ka pasur lidhje të forta me autoritetet dhe me kryeministri e asaj kohe, Sali Berisha. Në një prej emaileve tregohet edhe emri i Shkëlzen Berishës si i përfshirë. Përveç Nue Kalajt duehet të merrej dhe dëshmia e Shkelzen Berishës. Është përcaktuar edhe procedura për të dhënë dëshminë. Për fat të keq të 3 dëshmitarët nuk e kanë zbatuar. Nue Kalaj nuk është paraqitur, kurse Sali Berisha nuk është përgjigjur fare dhe nuk është betuar. Dhe personi tjetër, Shkelzen Berisha nuk pranon të bëjë dëshminë dhe kjo e bën të pavlefshme dëshminë e tyre. Këta të 3 janë dakordësuar për të mos lejuar punën e komisionit. Kalaj dhe Sali Berisha janë pjesë e rëndësishme e hetimit. 7 milionë euro janë marrë nga Nue Kalaj dhe bashkëpunëtorët dhe mund ta quhet një sekser?, tha Balla.

Më tej, kreu i Komisionit për Hetimin e CEZ tha se disponon prova të paimagjinueshme në lidhje me këtë çështje, duke përdorur edhe shprehjen e kryeministrit ?Skeni parë gjë akoma?.

?Zoti Kalaj nuk është larg nga Tirana, dy tre orë me makinë, pasi gjendet në Prizren. Dhe nuk ka paraqitur arsye të mosparaqitjes së tij. Dëshmia e zotërisë është e rëndësishme. Dëshmia e zotit Mergjani ishte taktikë për të hedhur dritë se si ka ardhur Nue Kalaj në Shqipëri. Nëse do kishim gjetur detaje të reja për zotim Mergjani, do kishim vepruar. Për fat të mirë dhe fat të keq për zotin Kalaj, ky ka një pasaportë shqiptare, me dekret të zotit Nishani. Kështu, që jo vetëm në familje por dhe në pikat kufitare do kërkojmë për Nue Kalaj. Por duhet të dimë se ça i bashkon këta tre persona. Berisha dhe Shkëlzen Berisha dhe Kalajn shmangen. Ne kemi prova të paimagjinueshme në e-maile, s?keni parë gjë akoma. Komisoni ka një mandat, i cili po shkon drejt fundit. Ne po insistojmë tek dëshmia e Shkëlzen Berishës dhe Nue Kalaj. Që të jepen para dëshmisë së Ismailajt. Kastriot Ismailaj nuk ka shpëton se është në burg, por këta dhe mund të na shpëtojnë.?, përfundoi Balla.