E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shkarkimi i Ylli Manjanit/ Ja çfarë mendon Presidenti Bujar Nishani

1 Shkurt 2017, 20:24, Aktualitet CNA

Presidenti i Republikës, Bujar Nishani, ishte sot i ftuar në emisionin ?Fakt? të gazetarit Çim Peka, ku ndër të tjera ka folur edhe për shkarkimin e ministrit të Drejtësisë Ylli Manjani.

Nishani u shpreh se se përbërja e qeverisë është një e drejtë ekskluzive e kryeministrit i cili ka marrë mandatin përfaqësimit nga mazhoranca që ka krijuar qeverinë.

Por ai tha se kjo nuk do të thotë që përjashtohet nga dimensioni i të drejtës i çdo ministri i çdo njeriu që është në përbërje të qeverisë për të shprehur mendimet për politika të caktuara apo për angazhime të caktuara.

Çim Peka: Javë me zhvillime politike, kryeministri i vendit ka shkarkuar ministrin e Drejtësisë, cili është gjykimi i presidentit për këtë akt?

Bujar Nishani: Unë mendoj se e kam mirëkuptimin tuaj, të medias në përgjithësi dhe të gjithë shoqërisë për sa kohë mbart mbi vete imazhin e institucionit të Presidentit të Republikës. Dua të respektoj në mënyrë strikte përcaktimet kushtetuese ligjore por dhe kodin që duhet të udhëheqë presidentit shqiptar për të qenë jashtë përfshirjes qoftë edhe përmes analizave gjykimeve por dhe vendimeve që ju takojnë partive politike, apo qeverisë që është produkt i partive politike në kontekstin formal.

Përbërja e qeverisë është një e drejtë ekskluzive e kryeministrit i cili ka marrë mandatin përfaqësimit nga mazhoranca që ka krijuar qeverinë, por nga ana tjetër padyshim kjo nuk do të thotë që përjashtohet nga dimensioni i të drejtës i çdo ministri i çdo njeriu që është në përbërje të qeverisë për të shprehur mendimet për politika të caktuara apo për angazhime të caktuara ky është dimensioni minimal dhe fillestar i së drejtës, por gjithsesi kjo është një çështje që mbetet brenda në qeveri, është një çështje që duhet ta zgjidhin në dy grupimet që kanë krijuar qeverinë shqiptare.

Ndaj për sa kohë mbart këtë përgjegjësi nuk do të përfshihem në analiza dhe gjykime. Por sidoqoftë në aspektin njerëzor unë kam gjykimet e mia analizat e mia, por unë ngul këmbë në dy gjëra, së pari në të drejtën formale të mandat marrësit që është kryeministri, së dyti nga ruajtja dhe respektimi i së drejtës së çdo njeriu pavarësisht pozicionit shtetëror apo publik që ka.