web counter
LEXO PA REKLAMA!

SHKARKO APP

App Store
Google Play

Pse LSI zgjodhi Petrit Vasilin ministër Drejtësie/Luan Rama Kryetar Grupi

30 Janar 2017, 14:42, Aktualitet CNA

Sekretarja për Marrëdhëniet me Publikun e Lëvizjes Socialiste për Integrim, Erisa Xhixho, ka dalë në një deklaratë për media pas shkarkimit të Ylli Manjanit.

Xhixho deklaroi se Rama e njohu Metën me vendimin gjatë takimit në Kryesinë e Kuvendit.

Ndërkohë, sipas saj, Meta mblodhi Kryesinë Ekzekutive të LSI, ku u propozua Petrit Vasili si ministër i Drejtësisë. Ndërsa, njoftoi se Luan Rama u caktua si Kryetar i Grupit Parlamentar të LSI.

Ja reagimi:
Sot paradite Kryeministri z. Edi Rama njohu Kryetarin e Kuvendit, z. Ilir Meta me iniciativën e tij për lirimin nga detyra të Ministrit të Drejtësisë z. Ylli Manjani. Kryetari z. Ilir Meta zhvilloi një takim me Kryesinë Ekzekutive të Lëvizjes Socialiste për Integrim për të informuar lidhur me iniciativën e Kryeministrit Rama. Në takim u konkludua që Lëvizja Socialiste për Integrim të propozojë, z. Petrit Vasili si Ministër i Drejtësisë bazuar edhe në rolin e tij si anëtar i Komisionit të Reformës në Drejtësi, duke shpresuar në këtë mënyrë për një koordinim më të mirë të punës dhe bashkëpunimit politik brenda qeverisës. Kryesia Ekzekutive vendosi gjithashtu që të propozojë z. Luan Rama si Kryetar i Grupit Parlamentar të Lëvizjes Socialiste për Integrim./CityNews





Lajmet e fundit nga