E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Rama mban “peng” drejtësinë/Largon ministrin e dytë brenda 2 viteve

30 Janar 2017, 13:36, Aktualitet CNA

Teksa nuk ka bërë akoma një mandat qeverisës si kryeministër i Shqipërisë, Edi Rama ndërron dy ministra drejtësie. Ai nisi punën si kryeministër në shtator të vitit 2013, ku i besoi ministrinë e Drejtësisë, si një ndër hallkat më të rëndësishme për luftën ndaj korrupsionit e më gjerë, Nasip Naços nga radhët e LSI. Por, kur kaluan vetëm dy vite nga qeverisja, Nasip Naço dha papritur dorëheqjen nga detyra si ministër, ku në atë kohë (nëntor 2015) u tha se po largohej për arsye personale, por e vërteta është se e largoi Ilir Meta, pasi nuk e pyeste Rama për asnjë vendim.

Ai u zëvendësua menjëherë nga Ylli Manjani, po në radhët e LSI, me propozimin e Ramës. Manjani u shkarkua sot nga detyra, pa bërë akoma një vit, një vendim i kryeministrit Rama. Në një dalje për mediat, Manjani tha se largimi i tij erdhi pasi denoncoi korrupsionin, dhe po për këtë arsye, sipas tij, u largua dhe Naço.

Për rrjedhojë lind pyetja: Cili nuk e do vërtet drejtësinë?!
Rama largon ministrat se denoncojnë korrupsionin, në një kohë ku flet se po bën reformë në drejtësi. Ai këmbëngul çdo ditë e më shumë për një gjyqësor të pa kapur nga politika, por në daljen e tij të fundit si ministër për mediat, Manjani tha se Rama telefonon gjyqtarët, dhe se këta të fundit janë totalisht të kapur. Manjani nxori në pah presionin që Rama i ka bërë Metës prej kohësh për largimin e tij, duke lënë të nënkuptuar se kryeministri ushtron presion edhe në radhët e gjyqësorit.

Çfarë do kryeministri, drejtësi apo një sistem gjyqësor që ta komandojë sipas qejfit?!
Ministri i tha sot në sy se ai iu mbyll gojën në çdo mbledhje qeverie, se askush nuk ka të drejtë të thotë të vërtetën, paçka se mban statusin ?ministër?, se duhet të rrish urtë për të vazhduar detyrën, se …!
Të gjitha këto sjellin kapjen e plotë të drejtësisë nga politika, drejtpërdrejt nga Edi Rama, i cili duket të jetë shndërruar në një ?Sulltan? të Shqipërisë.

Por nga ana tjetër është edhe kreu i LSI, Ilir Meta, i cili pranon në heshtje vendimet e Ramës, duke u bërë pjesë e lojës së tij të pistë, edhe pse ministrat e tij denoncojnë korrupsionin. Largimin e Naços ai e priti pa asnjë kundërshtim, por se sa do e bëjë këtë dhe me Manjanin mbetet për t?u parë.
Nëse Meta vendos të përballet me Ramën, pasi i largoi ministrin e dytë nga drejtësia, kjo do të sillte dhe rënien e qeverisë./CityNews