web counter
LEXO PA REKLAMA!

SHKARKO APP

E fundit!

x

Kriza në Greqi/ Mbyllen gazetat "To Vima" dhe "Ta Nea"

29 Janar 2017, 08:49, Aktualitet CNA

Në Greqi janë mbyllur gazetat ?To Vima? dhe ?Ta Nea?. Mbyllja e dy gazetave historike nuk tregon gjë tjetër veçse se sektori i shtypit është ai që ka pësuar goditjen më të rëndë nga kriza ekonomike në Greqi.

Dy gazetat historike, ?To Vima? dhe ?Ta Nea?, të grupit mediatik ?DOL?, janë detyruar të publikojnë sot numrin e tyre të fundit. Me një artikull me titull ?Kush po e mbyt shtypin?, aksioneri kryesor i tyre, Stavros Psiharis përshkruan sesi bankat kreditore të grupit mediatik kanë vendosur të ngrijnë dhe të përvetësojnë çdo të ardhur, si nga shitja, ashtu edhe nga reklamat.

Kjo është bërë për të plotësuar pjesën e pashlyer të kredive të dhëna prej rreth 300 mln eurosh, që nuk ishin shlyer për një kohë të gjatë. Po kështu, bashkë me dy gazetat kanë ndaluar punën edhe portali ?in.gr?, stacioni radiofonik ?Vima 95.5?, si dhe disa revista.

Në artikull kritikohen si qeveria, ashtu edhe opozita për indiferencën ndaj mbylljes së vazhdueshme të mediave në mbarë vendin.

Në këtë mënyrë, nëse nuk gjendet një zgjidhje e shpejtë financiare, rreth 500 gazetarë dhe personel teknik humbasin vendet e punës, kompensimet dhe pagat e 6 muajve të fundit të papaguara, ndërsa grupi mediatik në ditët në vijim bëhet pjesë e një regjimi të veçantë të menaxhimit, nga ana e bankave kredituese. /CityNews





Lajmet e fundit nga