web counter
LEXO PA REKLAMA!

SHKARKO APP

App Store
Google Play

E fundit!

x

Kokëdhima fton Bashën të bëhet pjesë e ‘Zgjidhjes’

23 Janar 2017, 18:45, Aktualitet CNA

Koço Kokëdhima shpalli disa ditë më parë lëvizjen brenda PS ?Zgjidhja?.

Sot, ish-deputeti socialist ka ftuar deputetin demokrat të bëhet pjesë e zgjidhjes së tij, dhe qytetarët të mos propozojnë deputetin, por të fotojnë për emrat që do të jenë në listat e deputetëve në zgjedhjet e vitit 2017.

Përmes një postim në rrjetet sociale, Kokëdhima shprehet se nisma e Bashës për propozimin e deputetëve është qesharake, pasi do të jetë partia që në fund do të zgjedhë emrat për deputetë, pavarësisht propozimeve të qytetarëve.

Postimi i Kokëdhimës

Basha, bëhu pjesë e “Zgjidhjes”!

PD këto ditë është duke predikuar se po u kthen të drejtën qytetarëve shqiptarë, që t’i caktojnë ata vetë kandidatët për deputetë.
Z. Basha perifrazon sfidën e duhur, por gjen zgjidhjen e gabuar.
Ai e fton elektoratin që të bëjë propozime me shkrim për kandidatët për deputetë, por në fund do të jetë “partia”, që zgjedh. Kjo është qesharake.
Ka vetëm një rrugë për t’i kthyer të drejtat popullit sovran. Atë e praktikon demokracia më e madhe në botë, SHBA-të, dhe kjo është rruga e zgjedhjeve primare. Populli duhet të zgjedhë me votë dhe jo thjesht të propozojë. Kjo është teza e lëvizjes “Zgjidhja” në PS.
Z. Basha thotë: populli të propozojë, kryetarët do të zgjedhin!
E ftoj kryetarin e partisë më të madhe të opozitës, z. Basha, që të bëhet pjesë e “Zgjidhjes” sime dhe të mbrojë në Parlament draftin që “Zgjidhja” propozon për plotësimin e ligjit mbi partitë politike, me detyrimin e mbajtjes së zgjedhjeve primare.
Vetëm kjo jep garanci që kandidatët në zgjedhje të dalin nga populli. Çdo ligjërim tjetër është kohë e humbur. Midis fjalëve dhe veprave, zoti Basha ka zgjedhur që të bëjë vetëm fjale dhe t?u hedhë njerëzve hi syve.
Është koha që t’ua imponojmë primaret kryetarëve që i kanë kthyer partitë në çifligje të tyre!





Lajmet e fundit nga