E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Naftëtarët e Fierit të përbuzur nga qeveria, nuk marrin pagat prej muajsh

23 Janar 2017, 15:25, Aktualitet CNA

Deputeti demokrat Kozma Dashi, në një prononcim të shkurtër për mediat, ka denoncuar padrejtësinë që po bëhet me 150 naftëtarët e Rafinerisë së Fierit. Ai bën me dije se naftëtarët e Rafinerisë së Fierit nuk marrin pagat prej muajsh, dhe se kanë nje vit që nuk u paguhen sigurimet shoqërore.

Ai sollli në fokus rastin e 59 vjeçarit Agim Myrdini. Punëtori i Rafinerisë në Fier kërcënoi të vriste veten, pasi nuk kishte marrë pagat e katër muajve. Agim Myrdini ishte duke protestuar në mesin e 150 punëtorëve të tjerë këtë mëngjes, kur hipi në një oxhak me një shishe benzine me vete.

?Naftëtarët e Rafinerisë së Fierit nuk marrin pagat prej muajsh, dhe kanë 1 vit që nuk u paguhen sigurimet shoqërore. Naftëtarët e kësaj rafinerie nuk i pret askush, dhe nuk i dëgjon askush. Ndërkohë, arroganca e qeverisë mbërrin deri aty sa pikërisht sot ata kanë sjellë në Kuvend për shqyrtim projektin për statusin e naftëtarit, një përpjekje për mashtrim elektoral.

Deputeti i Partisë Demokratike, Kozma Dashi, denoncoi sot mungesën e vëmendjes për këta 150 punëtorë që mbajnë familjet me punën e tyre.

?Kemi të bëjmë me 150 punonjës të rafinerisë së Fierit, të cilët janë në grevë, pasi nuk u paguhen pagat prej 4 muajsh, dhe për 1 vit nuk u paguhen as sigurimet shoqërore. Për më tepër, Agim Myrdini, punonjës i kësaj rafinerie sot është në majë të një ngrehine, duke rrezikuar të vetëflijohet.

Askush nuk po çan kokën për atë dhe cinizmi qendron këtu që ne mblidhemi, se gjoja sa shumë i duan këta naftëtarë. Pra për përfitime elektorale qeveria është e gatshme të bëjë çdo gjë dhe ti braktisë ata naftëtarë në mëshirë të fatit.

Pse? Eshtë e thjeshtë, sepse filloi fushata zgjedhore. Qeveria kërkon të rrëmbëje sa më shumë për kapital politik. Kam kërkuar që heret që statusin e meriton dhe tu jepet naftëtarëve, por jo në mënyra të tilla ku arrin në farsa që s?kanë ndodhur deri tani?, u shpreh Dashi. /CityNews/