web counter
LEXO PA REKLAMA!

SHKARKO APP

App Store
Google Play

E fundit!

x

Blushi: Çfarë është LIBRA me pak fjali

23 Janar 2017, 10:33, Aktualitet CNA

Kreu i LIBRA, Ben Blushi, ka sqaruar përmes një statusi në rrjetet sociale se çfarë është partia që ai drejton prej pak kohësh.

Në pak fjali, Blushi rendit disa nga pikat kryesore, që synon LIBRA, që sipas tij, është fuqia e shtresës së mesme.

Ja çfarë shkruan deputeti:
LIBRA u themelua në datën 1 Nëntor 2016 dhe sot numëron 10 000 anëtarë.
LIBRA është një organizatë politike e qendrës që mbështet të varfrit dhe shtresën e mesme.
LIBRA nuk mbështet atë që është popullore, por atë që është e drejtë.
LIBRA ka si simbol një katror të verdhë, mbi të cilin shkruhet Lista e Barabartë, ndërsa brenda tij me gërma kapitale të zeza shkruhet LIBRA.
LIBRA beson se varfëria është armiku që duhet mundur nga shqiptarët.
LIBRA beson se më pak të varfër do të thotë më shumë të pasur.
LIBRA nuk paragjykon askënd për shkak të etnisë, gjinisë, pasurisë, moshës, përkatësisë fetare, orientimit seksual apo bindjeve të mëparshme politike.
LIBRA do të financojë arsimin dy herë më shumë, do të reduktojë tarifat universitare dhe do ta bëjë të detyrueshëm arsimin e mesëm.
LIBRA do të stimulojë punësimin e të rinjve.
LIBRA kërkon përcaktimin e minimumit jetik, si një standard i detyrueshëm, i cili do të nxjerrë nga varfëria 500 mijë shqiptarë.
LIBRA do të kërkojë rritjen e pagave dhe pensioneve, si dhe kontratë me orë pune për të gjithë.
LIBRA do të ulë taksat për shtresën e mesme.
LIBRA kërkon që presidenti të zgjidhet nga populli, që parlamenti të jetë me 100 deputetë dhe votim të emigrantëve kudo ku ata jetojnë.
LIBRA kërkon të ulet çmimi i naftës, gazit, energjisë, ilaçeve dhe ushqimeve.
LIBRA kërkon ti japë fund importit të mbetjeve në Shqipëri.
LIBRA kërkon të ndryshojë plotësisht mënyrën e shfrytëzimit të deri tanishëm të pasurive strategjike kombëtare,
LIBRA është e vendosur të zgjidhë me çdo kusht çështjen e pronësisë.
LIBRA ESHTE FUQIA E SHTRESËS SË MESME





Lajmet e fundit nga