E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gazetarët milionerë me rroga si pastruese/ Bashkëpunëtorë në "krim" me politikën dhe pronarët

23 Janar 2017, 08:33, Aktualitet CNA

Dje u publikua deklarimi i të ardhurave të gazetares Ilva Tare, drejtore e Tv Ora News. Sipas deklaratës, rezultonte se Tare kishte të ardhura rreth 3 milionë lekë të vjetra në vit, të barabarta me rrogën e një pastrueseje.

Dje Ilva harronte rrogën e saj, harronte gazetarinë dhe mbronte kolegun Peza, duke aluduar se gjithçka ndaj tij ishte e sponsorizuar. Por çuditërisht menjëherë pas shkrimit erdhi një tjetër lajm, rroga e Ilva Tares që rezultonte të ishte dy herë e gjysmë më pak se ajo që kolegu i saj Alfred Peza kishte deklaruar përpara gjykatës.

Ilva kërkonte që sponsorizuesit e lajmeve të Alfred Pezës duhet të hetoheshin apo të ishin përpara llogaridhënies, dhe për ketë ka të drejtë. Nuk mund të kemi politikanë me kostume 3 mijë euro dhe me kursime 0 lekë. Ashtu sikundër nuk mund të kemi gazetare me rrogë 3 milionë lekë në vit me canta 3 mijë euro, apo veshje që kushtojnë sa rroga e disa viteve të marra së bashku.

Ilva dhe Peza i dhanë publikut fytyrën e vërtetë të gazetarëve drejtues që paguhen me miliona dhe në shtet paguajnë shumë pak ose aspak taksa. Nuk janë vetëm këta të dy. Janë ata gazetarë që qëndrojnë në sallonet VIP të politikës duke bërë paradë mode, duke vendosur gjoba e ndarë pushtet me qeveritë, janë ata gazetarë që paguhen qindra milionë lekë në vit, por deklarojnë disa mijëra, janë ata gazetarë që nuk kanë asnjë ndryshim nga politikanët tanë. Duhet të jenë në të njëtin vend për të dhënë llogari, sepse janë të njëjtët bashkëpunëtorë dhe të njëjtët hajdutë. Gazetarët e mirë paguar dhe korruptuar janë po aq përgjegjës sa politikanët, as më shumë e as më pak.

Me dashje ose jo gazetarët që paguhen me qindra milionë lekë në vit, dhe nuk paguajnë taksat duke fshehur të ardhurat, janë duke shkelur ligjin dhe për këtë duhet të mbajnë përgjegjësi penale. Të paguhesh 10 milionë lekë në muaj dhe të deklarosh pagën sa një roje dhe të dalësh publikisht dhe të bësh moral, këtë mund ta gjesh vetëm në shoqërinë e gazetarëve milionerë.

Janë po këta gazetarë që nuk deklarojnë të ardhurat sipas ligjit, janë po këta gazetarë që nuk paguajnë tatimet dhe detyrimet, janë këta gazetarë që bëjnë evazion fiskal, janë këta gazetarë që abuzojnë si politikanët dhe ndajnë pushtetin me ta. Janë këta gazetarë, që më fshehjen e të ardhurave dhe pagave të vërteta, fshehin burimin e parave të pronarëve të tyre, burimin e vërtetë nga vijnë miliona euro pasuri e dyshimtë. Janë qindra milionë lekë që vijnë nga rrugë të dyshimta për të paguar gazetarë që rrugës kthehen në të dyshimtë, për punën që bëjnë dhe moralin që bëjnë në opinionin publik.

Paguhen miliona lekë dhe emisionet e tyre kanë audiencë më pak se portali më i pa klikuar.

Por ata paguhen miliona dhe duhet të mbrojnë njëri-tjetrin dhe efendinjtë e tyre që janë po aq evazorë sa dhe vartësit në rastin më të mirë, se ka edhe më keq. Mund të pastrojnë para krimi apo droge në media dhe bashkëpunëtorët e tyre të jenë gazetarët miliarderë./Citynews