Revoltohet Mediu: Të marrë, ja kush na ftoi në inaugurimin e Trump!

22 Janar 2017, 18:48, Aktualitet CNA

Kreu i Partisë Republikane, Fatmir Mediu, ka reaguar ashpër ndaj akuzave nga eksponentë të mazhorancës se, së bashku me kryedemokratin Lulzim Basha, kanë blerë biletat për të marrë pjesë në inaugurimin e Presidentit të SHBA, Donald Trump.

Duke i quajtur të marrë dhe të mençur dashakeq ata që kanë hedhur akuzat, Mediu thekson se kanë qenë të ftuar së bashku me Bashën, jo vetëm në ceremoninë e inaugurimit, por në të gjitha aktivitetet që u bënë për këtë rast.

Ai shpreh bindjen se nuk kanë paguar asnjë qindarkë as për inaugurimin dhe as për takimet e zhvilluara, duke treguar dhe emrat që iu kanë dërguar ftesat.

Ja reagimi i plotë i Mediut:
Te dashur miq
Per te gjithe te marret dhe te mencurit dashakeq prane mazhorances. Se bashku me Z Basha kemi qene te ftuar ne ceremonine e Inagurimit dhe jo vetem, por dhe ne aktivitetet qe behen me kete rast.
Ftesa ka ardhur nga Senatori Roy Blunt, kryetari i komisjonit te perbashket te kongresit per Ceremonine e Inagurimit te Presidnetit Trump, dhe miq te tjere. Nuk kemi paguar asnje qindarke as per inagurimin dhe as per takimet ne Senat dhe Kongres.
Meqense kerkoni te gjeni gjilperen ne kashte dhe i referoheni departamentit te shtetit ju them se asnje ceremoni Inagurimi nuk organizohet nga Departamenti I Shtetit I cili nuk ka asnje autoritet ne kete rast mbi komitetin e perbashket te Kongresit. Me shume smund tju sqaroj as per padiejen tuaj dhe as dashakeqesine tuaj.
Kam bindjen se nuk keni nevoje as per te verteten dhe as per sqarim se nuk e keni per here te pare. Po ashtu nuk bie ne banalitetin e sharjeve tuaja qe nuk pushojne apo atyre qe nderseni ne rrjetet sociale
Nese doni me konkretisht po ju coj dhe ata qe na kane ftuar Sen Roy Blunt, Sen Jim Inhofe, Congressmani Dana Rohrabacher organizatori I Liberty Ball, Cong Robert Aderholt, Sen Jim DeMint Presidenti Heritage Foundation dhe Bob Mcëeen Drejtori egzekutiv i CNP
Padyshim se cdo beje administrata e Trumpit nuk e vendosim Ne, por qe te luftojme per zgjedhje te lira dhe te ndershme ne Shqiperi nuk do ndalojme te flasim me kedo demokrat dhe republikan.
Jane keta miq qe na ndihmuan per tu bere vend anetare i NATOs pa asnje qindarke kur nje pjese punonin kundra dhe nje pjese nuk besonin