web counter
LEXO PA REKLAMA!

SHKARKO APP

App Store
Google Play

Eurot false pushtojnë Vlorën

22 Janar 2017, 12:10, Aktualitet CNA

Policia e Vlorës ka arrestuar në flagrancë një shtetas, i cili tentoi t?ia hidhte punonjësve të një karburanti duke përdorur kartëmonedha false. Bëhet fjalë për një 32 vjeçar, i cili është kapur mat pasi ka dhënë 20 euro false.

Nga kontrolli që ka ushtruar policia në mjetin e tij i janë gjetur plot 1460 euro, të cilat dyshohet se janë të falsifikura. Kjo është shuma që ka bërë publike policia e Vlorës, por ende nuk dihet sa euro false kanë qarkulluar në Shqipëri.

Policia ka arrestuar shtetasin Simon Mitraj, 32 vjeç, banues në Vlorë.  “Më datë 21.01.2017, rreth orës 20:00, dyshohet se ky shtetas ka furnizuar automjetin e tij tip “Jeep” me targë AA 038 CR, tek një karburant në lagjen “Rilindja”, duke përdorur një kartëmonedhë me prerje 20 euro, e cila dyshohet të jetë e falsifikuar.

Gjatë kontrollit fizik që i është bërë këtij shtetasi, shërbimet i kanë gjetur 73 copë kartëmonedha të tjera me prerje 20 euro (në total janë 1460 euro), të dyshuara të falsifikuara, të cilat u sekuestruan në cilësinë e provës materiale”. /CityNews/

 

 





Lajmet e fundit nga