Kush gënjen për ish-gruan e Alfred Pezës ?

22 Janar 2017, 10:37, Aktualitet CNA

Prokuroria ka nisur hetimet ndaj deputetit socialist Alfred Peza dhe ish-gruan e tij, Adelina Toli pas denoncimit të citynews se kishin blerë 1% të aksioneve të një banke private me vlerë 1.13 miliardë lekë.

Peza dhe ish- gruaja e tij, u thirrën nga prokuroria për të dëshmuar dy ditë më parë në lidhje me pasurinë, pasi vetë deputeti socialist kishte deklaruar më parë se ishte paguar me shifra të majme në kohën kur punonte si gazetar, por sipas vendimeve të gjykatës rezultoi se paga e tij kishte qenë 800 mijë lekë të vjetra.

Ditën që ish-çifti u paraqit në prokurori për të dëshmuar, Report Tv, informoi se Adelina Toli ishte shprehur se ishte e gatshme të bashkëpunonte me drejtësinë, por frika e vetme ishte siguria e djalit që kishte me deputetin socialist.

?Jam e gatshme të bashkëpunoj me drejtësinë, frika ime e vetme siguria e djalit që kam me ish-bashkëshortin Alfred Peza?, është shprehur ajo, sipas Report Tv

Nga ana tjetër, ditë e djeshme në një prononcim për newsbomb, ish-gruaja e Alfred Pezës u shpreh se nuk e ka deklaruar një gjë të tillë dhe se të gjitha janë shpifje të ulëta. Si një njohëse e mirë e medias, pasi dikur ka qenë vetë pjesë e ?Koha Jonë?, ajo thotë se i vjen keq për ?llumin? që është media sot, sipas saj.

?Janë pikërisht ata që na kanë mësuar dikur gazetarinë ne, që shkruajnë gjëra të pavërteta sot. Unë jam shprehur e gatshme për t?ju përgjigjur çdo pyetje të Prokurorisë deri në fund të hetimit. Por kurrë nuk kam kërkuar sigurinë e tim biri. Nga çfarë është i rrezikuar im bir? Nga i ati?!! Kjo është tërësisht qesharake dhe absurde?, thotë ish-gruaja e deputetit

Këtu lind një pikëpyetje e madhe në lidhje me raportimin e kësaj çështjeje nga mediat, Report Tv dhe Newsbomb.

Media e Karlo Bolinos, Report Tv, e cila njihet për afrimitetin me qeverinë u raportoi se Adelina Toli kishte kërkuar sigurinë e djalit. Sot, ky lajm është fshirë nga portali i Report Tv, Shqiptarja.com, po ashtu edhe kronika shoqëruese është hequr nga Youtube, por mediat e tjera vazhdojnë ta kenë si burim. Karlo Bolino ka sulmuar deputetin Alfred Peza për hakmarrje personale apo me urdhër të Edi Ramës, kjo ende ngelet për tu verifikuar. Por, jemi përballë faktit që mediat e tij kanë hequr lajmin dhe videon e kronikës për ish-bashkëshorten e Alfred Pezës.

Dy portale të njohura për lidhjet e tyre të forta me qeverinë, të drejtuara nga editor pro Rama kanë dhënë dy versione kontradiktore për të njëjtin person.

Në fakt, vetë Anila Basha e Newsbomb është aksionere me 20% tek shqiptarja.com, por ajo nuk ka kontroll në median e Bolinos.

Shkaku i përgënjeshtrimit mund të jetë edhe për përplasjet midis tyre./CityNews

Linku i shqiptarja.com http://shqiptarja.com/home/1/pasuriahetim-pez-s-p-r-3-akuza-ish-gruaja-do-t–bashk-punoj-397976.html