Parandalohet ngjarja kriminale, familjarët përfshihen në konflikt

22 Janar 2017, 09:04, Aktualitet CNA

Një konflikt banal mes dy të rinjve shënuar një ditë më parë, fatmirësisht ka përfunduar pa një bilanc negativ, pas ndërhyrjes në kohë reale të policisë së Dibrës. Nga ky sherr për motive banale janë përfshirë edhe familjarët e dy të rinjve. Konflikti në fjalë është përshkallëzuar më tej ku dhe është plagosur me thikë vëllai i një prej të rinjve.

“Konfliktohen për motive banale në një lokal në qendër të njësisë administrative Sllovë, Dibër, dy të rinj, banues në fshatin Trojak. Konflikti më pas u përshkallëzua duke u përfshirë edhe familjarët e dy të rinjve. Plagoset me thikë, jashtë rrezikut për jetën vëllai i njërit prej protagonistëve të konfliktit. Plagosja, nga i ati i protagonistit tjetër të konfliktit”, shton policia.

Po si pasojë e konfliktit fizik dëmtohet me mjete të forta njëri nga dy të rinjtë që u konfliktuan. Dëmtimi, nga vëllai i protagonistit tjetër të konfliktit. Ndërhyrja në kohë e policisë, parandaloi përshkallëzimin e konfliktit.

Më datën 21.01.2017, në një lokal në qendër të njësisë Adminisrative Sllovë Dibër, shtetasit V.B dhe E.Ç, pasi kanë konsumuar alkool me njëri-tjetrin, kanë nisur të konfliktohen fizikisht mes tyre.

Pasi janë larguar nga lokali dhe janë nisur për në drejtim të fshatit Trojak, janë konfliktuar përsëri fizikisht me njëri- tjetrin dhe të dy kanë njoftuar familjarët e tyre. Në konflikt janë përfshirë dy vëllezërit e shtetasit V.B, si dhe babai e vëllait te shtetasit E.Ç.

Gjatë konfliktit fizik, shtetasi M. Çera, 59 vjeç, babai i shtetasit E.Ç, ka plagosur me thikë shtetasin B.B, 26 vjeç, vëllain e shtetasit V.B. Gjithashtu si pasojë e konfliktit fizik, është dëmtuar me sende të forta njëri nga protagonistët e konfliktit, shtetasi E.Ç, 29 vjeç, i cili është dëmtuar nga shtetasi H.B, 24 vjeç, vëllai i protagonistit tjetër të konfliktit, shtetasit V.B, 27 vjeç.

Policia me të marrë njoftim ka ndërhyrë në kohë duke parandaluar përshkallëzimin e mëtejshëm të këtij konflikti, ku dhe ka bërë shoqërimin e palëve në ambjentet e Komisariatit të Policisë Dibër.

Në përfundim të veprimeve të para të kryera nga Specialistët për Hetimin e Krimit në Komisariatin e Policisë Dibër, u bë arrestimi në flagrancë për veprën penale të ?Plagosjes së lehtë me dashje?, të parashikuar nga neni 89 i Kodit Penal i shtetasit:

-M. Çera, 59 vjeç, lindur dhe banues në fshatin Trojak-Sllovë-Dibër.

Gjithashtu u referuan materialet në gjendje të lirë për veprën penale “Dëmtime të tjera me dashje?, parashikuar nga neni 90 i Kodit Penal për shtetasin H. B, 24 vjeç, lindur e banues në fshatin Trojak-Sllovë-Dibër.

Në bashkëpunim me Prokurorinë, po punohet per zbardhjen e plotë të rrethanave të ngjarjes. /CityNews/