Nga Arian Galdini/ 21 janari qe kerkon Drejtesi por mbi te gjitha Perunjesi!

21 Janar 2017, 17:31, Aktualitet CNA

Nga Arian Galdini E kam shkruar e thene edhe asokohe, fill pasi plumbat moren 4 jete njerezish te pafajshem, se 21 janari 2011, ka shenuar jo piken e ktheses, por ate te ndaleses se politikes dhe shoqerise shqiptare. Kishim kaluar neper 1997 e marrezise, 1998 e cmendurise, e mberritem tek 2011 e skizofrenise. Aktoret tane kryesore politike, udheheqesit tane ne pushtet e opozite, ate dite u shfaqen te plote sikurse jane. Njerez te etur per pushtet, qe jane te gatshem te shkelin mbi kufoma per te mbajtur ose fituar pushtet.

Per familjaret e viktimave ka rendesi paresore Drejtesia, sepse ata eshte e domosdoshme qe te kene e dine emrat dhe mbiemrat e atyre qe ua vrane njerezit e shtepise. Ndersa per ne si shoqeri, Drejtesia eshte nje nevoje, por Reflektimi Kombetar ishte atehere e mbetet dhe sot nje Domosdoshmeri. Dolem nga Diktatura Komuniste, me mijera te vrare e pushkatuar pa gjyq e me gjyq ne 50 vite. Mijera e mijera te tjere te tortutuar, internuar, burgosur. E permbysem Komunizmin e nderruam jakat e xhaketave, kete ende nuk e kemi kuptuar e as ndare. Megjithate, kahja e ndertimit te demokracise dhe ajo e integrimit europian, u bene sprova dhe njesia matese e pergatitjes dhe formesimit tone qytetar si edhe te modeleve te lidershipit qe donim apo qe na ishin ngritur mbi krye.

Ne dallim te plote nga Mendesia Diktatoriale, kush jeton si qytetar demokracidashes e kush ben Liderin Demokratik, ka si Kryefjale e Kryeqellim te gjithckaje ben, beson e thote, vetem Njeriun. Parimi i Marcus Aurelius se Roma nuk e vlen jeten e nje qytetari te mire e te pafajshem, eshte busulla dhe permbajtja e cdo qytetari e lideri ne Demokraci. Mirepo kjo politika epike qe kerkon Lidere si prej Eposit te Kreshnikeve dhe qytetare si nizame qe duhet te bejne 9 vjet lufte per Partine qe te rregullojne e bejne ndonje katandi, na e mbyti fare cdo siluete njerezore qe na u duk se sollem nr skene ne ate dhjetor te 1990. Shoqeria shqiptare ne vend qe te ece perpara ne kerkim te Njeriut, kalamendet neper data te tilla te perzishme, kur duhet te kujtojme, harrojme, hedhim lule e bejme ceremoni per viktimat e Barbarise se Lidereve tane. Po te kishim patur lidere qe duan Njeriun, punojne per Njeriun, i sherbejne Njeriut, veshtire se do te kishim kaq shume heronj e viktima e data perkujtimoresh per ta, ne nje vend kaq te vogel.

Barbaret qe na kane Udhehequr e vazhdojne te na Udheheqin, kane dashur gjithmone Pushtetin. Njeriu ka qene nje tulle me shume ne mur, nje shkallez me teper ne ngritjen e Udheheqesve te Pagabueshem. Dallimi mes Politikes se Njeriut per Njeriun me Politiken e Batakciut per Batakciun, e dini kush eshte? Kush ben Politike te Njeriut per Njeriun, kujdeset qe te kete sa me shume njerez qe lulezojne e jetojne ne ambjente te lulezuara. Ata qe bejne Politike te Batakcinjve per Batakcinjte, kujdesen qe te kete sa me shume lule per ata qe dikur ishin njerez, sot jane te harruar. Kush ben Politike te Njeriut per Njeriun, kujdeset qe te kete sa me shume mireqenie e para per jeten e Njeriut. Ata qe bejne Politiken e Batakcinjve per Batakcinjte, sigurohen qe gjithmone te kete nje cmim te ulet per shpirtrat e shitur dhe nje demshperblim te arsyeshem per te harruarit e vdekur.

Kjo nuk eshte aq shume ceshtje drejtesie, sesa eshte ceshtje kuptueshmerie dhe kendveshtrimi… Batakcinjte gjithmone do ankohen per Drejtesine. Njerezoret do kujdesen ngahera qe te jene te drejte per te mos fituar e as mbajtur pushtet mbi kufoma… 21 janari duhet te na zhysi si nje date e fundme e dashte Zoti e paperseritshme, ne Reflektim Kombetar. Reflektim per modelin dhe llojin e Lidereve qe duam e lejojme te na vijne mbi krye. Reflektimi yne Kombetar mund te na beje ta kuptojme se ata Lidere qe na premtojne Drejtesine pasi na kane bere viktima, jane Batakcinj dhe vetem Batakcinj. Reflektimi yne Kombetar, na con drejt modelit te liderit qe eshte i perunjur para neve qytetareve, e nuk na sakrifikon neve per pushtet, por sakrifikon pushtetin per neve.