web counter
LEXO PA REKLAMA!

SHKARKO APP

App Store
Google Play

Presidenca malteze/ Dade e Bregu: Procesi i zgjerimit të jetë vëmendjen tuaj

23 Janar 2017, 15:52, Aktualitet CNA

Në kuadër të presidencës Malteze të BE, një ditë më parë u zhvillua mbledhja e kryetarëve të komisioneve parlamentare të Integrimit Europian dhe të politikës së jashtme.

Kuvendi i Shqipërisë u përfaqësua në këtë takim nga znj. Arta Dade, Kryetare e Komisionit për Politikë të Jashtme dhe znj. Majlinda Bregu, Kryetare e Komisionit të Integrimit Europian.

Në këtë takim u prezantuan prioritetet e presidencës Malteze si migrimi, siguria, tregu i përbashkët, përfshirja sociale, etj.,  si dhe programi i punës së Komisionit Europian për vitin 2017,  i prezantuar nga Zv. Presidenti i parë i Komisionit Europian, z. Frans Timmermans.

Dade dhe Bregu zhvilluan një bisedë me kryetarin e Dhomës së Përfaqësuesve të Parlamentit Maltez dhe kërkuan që procesi i zgjerimit të jetë në vëmendje të Presidencës Malteze, me qëllim avancimin e mëtejshëm në proces të Shqipërisë dhe vendeve të tjera të rajonit.

Gjithashtu Dade dhe Bregu diskutuan e ndanë opinione me kryetarët e komisioneve të integrimit dhe të politikës së jashtme, mbi prioritetet e Presidencës së BE-së për 6 muajt e ardhshëm dhe nevojën për të shtuar fokusin mbi politikën e zgjerimit. /CityNews/





Lajmet e fundit nga