web counter
LEXO PA REKLAMA!

SHKARKO APP

App Store
Google Play

Pazaret-Miratohet buxheti i Durrësit/ LSI ribashkohet me PS, nuk i jepet fjala demokratëve

23 Janar 2017, 17:13, Aktualitet CNA

Buxheti i Durrësit është miratuar sot me votat e këshilltarëve të PS dhe atyre të LSI. Ndërkohë opozita ka braktisur mbledhjen e këshillit pasi atyre nuk i është dhënë e drejta e fjalës.

Buxheti i Durrësit u rrëzua pak ditë më parë, pasi këshilltarët e LSI votuan kundër me pretendimin se ishin parashikuar investime të papërshtatshme.

Pas rishikimit të buxhetit, PS dhe LSI kanë ribashkuar votat duke votuar pro buxhetit të vitit 2017.

Skandali

Gjatë mbledhjes së sotme të Këshillit Bashkiak, ka pasur debate të shumta dhe përplasje mes këshilltarëve të PS dhe atyre të PD.

Burime nga këshilli i thanë citynews se përpara se të votohej buxheti i ri i Durrësit, kreu i Këshilltarëve të PD Armand Teliti, ka kërkuar fjalën për të diskutuar rreth problematikave në lidhje me buxhetin.

Por, citynews mësoi se kryesuesi i mbledhjes nuk i ka dhënë fjalën kreut të këshilltarëve të PD dhe në këtë moment këshilltarët e opozitës kanë miratuar buxhetin.

Të njëjtat burime theksuan se pas largimit të opozitës, Këshilli Bashkiak i Durrësit ka kaluar me shpejtësi 3 pikat e parashikuara të rendit të ditës./Citynews





Lajmet e fundit nga