web counter
LEXO PA REKLAMA!

SHKARKO APP

App Store
Google Play

Historia e buzëkuqit, një enigmë më vete

23 Janar 2017, 11:30, Lifestyle CNA

Paraardhësi i atij që sot quhet buzëkuq, mendohet të jetë gjetur pesë mijë vjet më parë, treqind kilometra nga Babilonia, në rajonin e Ur-it, atdheu i Abrahamit. Në Greqinë antike, grimi nuk konsiderohej modë, meqenëse femrat qëndronin kryesisht të mbyllura në shtëpi. E kundërta me prostitutat, të cilat skuqnin buzët dhe faqet me produkte që në bazë kishin origjinë vegjetale.

Jo shumë të pëlqyeshme për t?u dëgjuar sot, por atëherë ngjyrat arriheshin nga përzierja edjersës së dhisë dhe pështymës njerëzore. Egjiptianët antikë, nga ana tjetër, adhurojnë kozmetikën me ngjyrë të errët, blu ose të zezë. Ngjyra portokalli përdorej mbi lëkurë dhe hapej me ndihmën e një shkopi të vogël, të lagur me ujë. Kleopatra, ka qenë ndër ato personazhe që I ka përdorur më së shumti elementët e grimit.

Poppea Sabina, gruaja e perandorit romak Neron, mendohet të ketë përdorur një përzierje të panjohur deri në atë kohë, e cila sillte krijimin e një të kuqeje të purpurt. Gjatë Mesjetës, grimi e në mënyrë të veçantë buzëkuqi, nuk ishin të pranuar. Tualeti konsiderohej manifestim satanik dhe sfidë ndaj Zotit. Por, gjatë periudhës së Rilindjes grimit i kthehet vëmendja e munguar. Në Firencen e Dukës së Toskanës, Kozimo I, kërkohet që një femër të ketë gojë të vogël, buzë me trashësi të mesme dhe ngjyrë tulle. Madje edhe në Anglinë që mbretërohet nga Elizabeta I, buzët e lyera me të tilla tonalitete janë mjaft në modë, sidomos kur kombinohen me lëkurë të bardhë borë.

Receta speciale e Madhërisë së Saj, përbëhej nga një përzierje e guaskave të detit, gomës arabe dhe qumështit të fikut. Me nisjen e shekullit pasardhës, buzëkuqi nuk ka më një fat të mirë. Ai shihet përsëri si objekt negativ nga besimtarët dhe moralistët, të cilët mendojnë se përmes përdorimit të tij, femrat kërkojnë të gjejnë partner. Epoka baroke e kthen në modë, aq sa në oborrin mbretëror, grimi alla ?drag queen? është i nevojshëm, bashkë me paruket butaforike.





10:30 Lifestyle

Masazh për relaksim

Masazhi është i dobishëm për tërë organizmin, por për efekti...

Lajmet e fundit nga