web counter
LEXO PA REKLAMA!

SHKARKO APP

Gripi/ Shënohen dy viktima të tjera, në Korçë e në Vlorë

17 Janar 2017, 13:40, Aktualitet CNA

Dy shtetase kanë humbur jetën si pasojë e gripit, duke e çuar në 7 numrin e viktimave nga epidemia.

Ministria e Shëndetësisë informon se pacientja S. S., 82 vjeç, banuese në Vlorë, shtruar në shërbimin infektiv, dhe më tej në reanimacionin e spitalit rajonal të Vlorës në datë 01/01/2017, me diagnozë, ?Insufiçencë multiorganore, post-gjendje febrile,? ka ndërruar jetë në datë 14/01/2017.

Mostrat e ekzaminuara nga Instituti i Shëndetit Publik konfirmojnë se pacientja ishte e prekur edhe nga virusi i gripit stinor A.

Gjithashtu, ministria bën me dije se pacientja V. B., 71 vjeç, banuese në Korçë, e shtruar në spitalin e Korçës më datë 09.01.2017, me diagnozë: ?Insufiçencë multiorganore, Meningoencefalit, Sëmundje Renale akute, Pneumoni masive sinistra?, ka ndërruar jetë në orët e mbrëmjes së datës 16.01.2017.

Edhe në këtë rast mostrat e ekzaminuara nga Instituti i Shëndetit Publik, konfirmojnë se pacientja ishte e prekur edhe nga virusi i gripit stinor A.

Arrin në shtatë, numri i rasteve të konfirmuara nga Ministria Shëndetësisë për persona që kanë ndërruar jetë, të cilët, përveç sëmundjeve të tjera, kanë rezultuar të prekur edhe nga virusi i gripit të stinës A.





10:50 Aktualitet

Duhani dhe shëndeti

Përdorimi i duhanit dëmton çdo qelizë të trupit tek duhanpir...

Lajmet e fundit nga