E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Zbardhet atentati me armë në Shkodër/ Arrestohen 2 autorët dhe i plagosuri, ja emrat

17 Janar 2017, 09:27, Aktualitet CNA

Policia e Shkodrës ka zbardhur ngjarjen e ndodhur një ditë më parë, pranë ?Radio Shkodrës?, tek ish ?5 Heronjtë?, ku u plagos me armë zjarri shtetasi Eglion Zuna. Pas një aksioni njëditor, ka arrestuar 2 persona, të dyshuar si autorët e ngjarjes, si dhe personin e plagosur.

Mësohet se kanë rënë në pranga shtetasit: Adam Ademi, 21 vjeç, banues në Shkodër, për veprat penale ?Plagosje e rëndë me dashje?, ?Prodhimi dhe mbajtja pa leje e armëve luftarake dhe e municionit? dhe ?Veprime që pengojnë zbulimin e së vërtetës?; Arben Ademi, 54 vjeç, banues në Shkodër, për veprat penale ?Kundërshtim i punonjësit të policisë së rendit publik? dhe ?Prodhimi dhe mbajtja pa leje e armëve luftarake dhe e municionit?; Eglion Zuna, 20 vjeç, banues në Shkodër, për veprën penale ?Prodhimi dhe mbajtja pa leje e armëve luftarake dhe e municionit?.

Në momentin e ngjarjes, shtetasi Eglion Zuna (i dëmtuari), ka qenë duke udhëtuar me mjetin e tij, tip ?Benz?me targë AA 550 DX, në shoqërinë e shtetasit Adam Ademi dhe një shtetase të huaj.
Nga veprimet e kryera rezulton se autori i dyshuar i kësaj ngjarjes është shtetasi Adam Ademi, i cili pas ngjarjes është larguar së bashku me mjetin tip ?Benz? me targë AA 550 DX, duke penguar në zbardhjen e së vërtetës. Ndërsa arma e zjarrit Pistoletë TT, me të cilin është kryer plagosja ka qenë e të dëmtuarit Eglion Zuna, e cila u gjet dhe sekuestrua në cilësinë e provës materiale në Hotelin ?Redbriks?, pronë e shtetasit Arben Ademi, i cili ka kundërshtuar forcat e policisë në kryerjen e detyrës. Në vendngjarje u gjet një gëzhojë armë zjarri, pistoletë, kalibri 7.62 mm, e cila u sekuestrua në cilësinë e provës materiale.
I dëmtuari është transportuar në spitalin e Traumës Tiranë dhe ndodhet në gjendje të rëndë shëndetësore.
Lidhur me motivin e ngjarjes po punohet për sqarimin e plotë të tij, por paraprakisht dyshohet se mund të ketë ndodhur aksidentalisht.
Materialet proceduriale iu referuan Prokurorisë së Rrethit Gjyqësor Shkodër, për veprat penale, parashikuara nga nenet 278, 236, 88/1 dhe 301 të Kodit Penal./Citynews