E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Gjiknuri në zyrën e Llallës për vjedhjet e votave në Dibër!?

17 Janar 2017, 08:04, Aktualitet CNA

Ministri i Energjetikës, Damian Gjiknuri, ka zhvilluar një takim për rreth 30 minuta me kryeprokurorin Adriatik Llalla, në zyrën e këtij të fundit. Zyra e shtypit pranë Prokurorisë së Përgjithshme është shprehur se ky takim nuk ka pasur një temë të veçantë diskutimi, por është kërkuar nga ministri Gjiknuri për çështje institucionale. Por dyshohet se Gjiknuri është thirrur nga Llalla për manipulimin e zgjedhjeve në Dibër, akuzë e ngritur nga Partia Demokratike.

Gjatë zgjedhjeve në Dibër, Damian Gjiknuri ka qenë në qendër të sulmeve nga PD. Demokratët e kanë akuzuar Gjiknurin se ai u vendos qëllimisht në Dibër për të manipuluar zgjedhjet. Më pas PD ngriti një kallëzim penal në prokurori për manipulimin e zgjedhjeve. ?Kallëzim për një grup të strukturuar kriminal i cili blen vota dhe kanosin votuesit dibranë për llogari të kandidatit Muharrem Rama. Me emra të përveçëm, Partia Demokratike ka renditur faktet se si prej mbi 10 ditësh ky grup po ushtron presion tek votuesit në Dibër duke aplikuar skemën kriminale të blerjes së votës por edhe të kanosjes direkte të qytetarëve dibranë.

Ky grup kriminal i përbërë nga drejtues të administratës publike, të tatimeve, shefi i policisë e deri tek mjeku i KEMP-it, janë vënë në shërbim të skemës kriminale për blerjes e zgjedhjeve në Dibër. Në kallëzimin penal, Partia Demokratike i kërkon Prokurorisë të nisë menjëherë hetimet për të vënë përpara përgjegjësisë këta kriminelë të votës së lirë, të veshur me pushtet nga Edi Rama dhe lidhjet e tij kriminale?, thuhej në deklaratën e PD. Deklaratat nga selia e PD kanë në kuadrin e akuzave se po kërcënohen e po mashtrohen qytetarët e Dibrës. ?Me mashtrime, me kërcënime, me milionat e Sadriut, me çdo formë Edi Rama po tenton të kapë votën në Dibër. Po dibranët kanë një shprehje; ma hodhe një herë të daltë njani sy, ma hodhe herën e dytë, u bafsha qorr. Dibranët dhe shqiptarët nuk mund të mashtrohen dy herë?, thuhej në një nga deklaratat e selisë blu.