E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

BOOM denoncon absurditetin/ Qendra shëndetësore kthehet në klasë

16 Janar 2017, 19:26, Aktualitet CNA

Kamerat e emisionit ?BOOM? në Rtv Ora News ishin në qendrën shëndetësor Qinam, vetëm pak kilometra larg Tiranës. Pamjet e qendrës janë të mjerueshme.

Nuk ka as ujë, dhe as dritare. Në atë qendër shëndetësore punojnë 2 infermiere dhe një mjek. Ky i fundit vjen vetëm të mërkurën dhe të premten në këtë qendër.

Përveç kushteve të këqija, ndodh edhe një çudi tjetër; brenda qendrës ka edhe një klasë me nxënës për shkak se mësuesi nuk ka mjet transporti për të lëvizur dhe ka rënë dakord me mjekun të zhvillojë mësimin aty.

Gazetarja e emisionit BOOM ka ndjekur nga afër dhe kushtet në dy qendra shëndetësore në dy fshatra të tjerë afër fshatin Qinam, Çerkezë dhe Kasallë. Përveç mungesës së mjekëve, edhe në këto qendra nuk ka ujë dhe as tualet.

Infermierët detyrohen të shkojnë pranë familjeve aty pranë për të kryer nevojat e tyre personale.

Qendra shëndetësore Qinam

Gazetarja: Ndodhemi vetëm pak km larg Tiranës në qendrën shëndetësore të Qinamit.

Kamerat e emisionit BOOM kanë filmuar nga afër kushtet skandaloze të qendrës shëndetësore ku thuajse mungon gjithçka. Në qendër nuk ka as ujë dhe as xham.

Gazetarja: Sa mjekë ka këtu?

Hamide Xhaja, infermiere pranë qendrës Qinam: Një mjek.

Gazetarja: Ku ndodhet?

Infermierja: Momentalisht ai ka ikur me shoqëru pacientin. Infermierja tjetër ka ikur për të ndjekur fëmijët.

Gazetarja: Nëse nuk është infermierja aty, ku duhet të jetë?

Banorja: Atje tek shtëpia e vet.

Gazetarja: Pse shkon në shpi?

Banorja: Po!

Gazetarja: Infermierja tjetër çdo ditë vjen në qendër?

Infermierja: Çdo ditë.

Gazetarja: Edhe ju çdo ditë?

Infermierja: Çdo ditë.

Gazetarja: Po mjeku?

Infermierja: Dy herë në javë. Të mërkurë dhe të premte. Ditët e tjera është në Kasallë dhe në Zallher.

Gazetarja: Nëse një pacient është sëmurë ditën e hënë dhe i duhet mjeku?

Infermierja: E shoqërojmë poshtë. Të shkojë diku tjetër. Rekomandimin e lëshoj edhe unë për t?i dhënë ndihmë pacientëve sa për ta drejtuar tek kardiologu apo tek diabeti.

Gazetarja: A keni ujë?

Infermierja: Jo!

Gazetarja: Si ia bëni?

Infermierja: Me kova, me bidona. E mbush tek xhamia. Kur mbushin botin këta të xhamisë, marr edhe unë ujë. Kur nuk e gjej, s?kam çfarë me bo.

Gazetarja: Po për t?u ngrohur?

Infermierja: Me sobën e gazit, por s?kemi marrë gaz. S?kam mundësi të blej gazin vet.

Gazetarja: Të ministrisë së Shëndetësisë kanë ardhur?

Infermierja: Po!

Gazetarja: Çfarë ju kanë thënë?

Infermierja: Po do ta rregullojmë pra, do ta rregullojnë thanë, kështu thanë.

Gazetarja: Po kur?

Infermierja: Kur?! Se di! Ditën e mërkurë (qesh)

Gazetarja: Kjo këtu çfarë është?

Infermierja: Këtu është një mësues filloreje që e ka mësimin pasdite po janë marrë vesh me doktorin se nuk ka mjet ai për me ik poshtë, nuk ka mjet.

Gazetarja: Mësuesi nuk ka mjet me lëviz poshtë dhe bën mësimin këtu?

Infermierja: E bën mësimin paradite, po?

Gazetarja: Pra në këtë qendër shëndetësore zhvillohet edhe mësim paradite.

Infermierja: Po!

Gazetarja: Sa nxënës bëjnë mësim këtu?

Infermierja: Me të rrejt! A 13 a 14 se janë dy klasa kolektive.

Gazetarja: Dhe një mësues?

Infermierja: Po! Një mësues!

Qendra shëndetësore Çekrezë

Gazetarja: Po tualet a ka këtu?

Doktoresha: Jo!

Gazetarja: Ku i kryeni nevojat?