web counter
LEXO PA REKLAMA!

SHKARKO APP

App Store
Google Play

E fundit!

x

Basha drejt SHBA/ Vetting kandidatëve për deputetë

16 Janar 2017, 18:17, Aktualitet CNA

Kreu i Partisë Demokratike, Lulzim Basha, në mbledhjen e kryesisë së PD, nënvizoi se garantimi i zgjedhjeve, mbetet  një betejë që do ta fitojnë. Sipas tij, qytetarët bashkërisht do të vendosin për zgjedhjet dhe jo kriminelët.  Gjatë fjalës së mbajtur, ai bëri me dije se do të niset drejt SHBA në inagurimin e presidentit Trump.

Ai bëri me dije se kandidatët e Partisë Demokratike do ti nënshtrohen Vettingut dhe se do të eleminojnë çdo njollë kriminaliteti.

?Asnjë qytetari nuk do ti mohohet e drejta për të votuar. Çdo qytetar do mund të votojë. Askush nuk mund të fusë duart tek votat e qytetarëve.

Nuk do të ketë kuti votimi për të futur duart, nuk do të ketë mundësi ushtrim kriminaliteti?, tha ai.

Duke qëndruar në të njëjtën linjë, Basha shtoi se siç votojne qytetarët, ashtu do të lexohet edhe vota. ?Procesi i garantimit të zgjedhjeve të lira është betejë që do ta fitojmë, do ta fitojmë së bashku, jo për vetën tonë. Sulme, shpifje, gënjeshtra ka nga ata që nuk e duan votën e lirë të qytetarëve?.

Kreu i PD shtoi se është detyrë e çdo qytetari që të luftojë për votën e lirë. Ai trumbetoi se kandidatët e Partisë Demokratike do ti nënshtrohen Vettingut, ndërsa i cilësoi të pastër si kristali.

?Është një tjetër çështje e rëndësishme. Ka të bëjë me procesin e kandidatëve për deputetë në zgjedhjet e ardhshme. Propozimi im siç e kam shpallur është për një konsultim të hapur, me komunitetin, me qytetarët, me simpatizantët, me shoqërinë civile, studentore, me të përndjekurit politikë, me të rinjtë, fermerët, organizatat jofitimprurëse, pra me të gjithë Shqipërinë, që procesi të jetë sa më i hapur?, tha më tej Basha. /CityNews/





Lajmet e fundit nga