E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Veliaj 5 herë më shumë se Dako

16 Janar 2017, 21:45, Aktualitet CNA

Nga GJERGJ THANASI

Një investigim i kryer nga gazetari B. Likmeta i BIRN zbuloi për publikun, që kryebashkiaku i Tiranës, Erion Veliaj, për t?u kujdesur për imazhin e tij në marrëdhënie me mediat dhe publikun ka punësuar plot 43 punonjës në Bashkinë e Tiranës. Në këtë numër përfshihen 3 drejtorë, 5 përgjegjës sektori dhe 34 specialistë.

Për të kuptuar, nëse është normale, që të punësohet një numër i tillë punonjësish vetëm për t?u kujdesur për imazhin e bashkisë dhe të kryebashkiakut në publik, ia vlen të bëhet krahasimi si e mbulojnë këtë sektor bashkitë e tjera. Krahasimi nuk do bëhet me bashkitë, ku qeveris PD-ja, se helbete vizioni i qeverisjes lokale të së djathtës ndryshon nga ai i Rilindjes. Nuk do bëjmë krahasim me bashki, ku qeveris LSI-ja, sepse ndonëse parti aleate me PS-në, motoja e LSI-së është shpejtësia në qeverisje sipas parrullës së saj elektorale: Të ecim më shpejt!

Krahasimin do ta bëjmë me Bashkinë e Durrësit, ku Vangjush Dako ka mandatin e tretë si kryebashkiak socialist. Theksojmë se Dako i Durrësit ka qenë drejtor socialist edhe në vitet 2003-2005. Në atë periudhë, Erion Veliaj ende Mjaftist mobilizonte një grup të rinjsh të mirëpaguar me euro e dollarë, me qëllim që të godiste deputetët socialistë me vezë e domate, apo edhe të bënte sarkazëm me fustanë nusërie kundër bashkëshortes nr. 2 të liderit socialist Fatos Nano.

Në Bashkinë e Durrësit, fushën e marrëdhënieve me publikun dhe me mediat e mbulojnë vetëm 2 të punësuar: zëdhënësi i Bashkisë dhe koordinatorja për informimin e publikut. Sigurisht, popullsia e Bashkisë së Tiranës është më e madhe se ajo e Durrësit, por përsëri shifra e të punësuarve nga kryebashkiaku Veliaj mbetet e frikshme. Sipas vetë informacionit, që ofron Bashkia e Tiranës, në 1 janar 2015 Tirana kishte 800 986 banorë (shiko linkun: http://www.tirana.al/tirana-info/historiku-i-tiranes/). Durrësi, në janar 2015, kishte 200 654 banorë, d.m.th. Tirana kishte rreth 4 herë më shumë banorë se Durrësi. Me këtë diferencë popullsie i takon që kryebashkiaku Veliaj të kishte punësuar jo 43, por vetëm 8 punonjës për t?u kujdesur për imazhin publik të Bashkisë dhe kryebashkiakut të Tiranës (Sic!).

Sipas një llogarie të thjeshtë i bie, që të njejtën punë që bëjnë rilindasit durrsakë, ta bëjnë një numër 5 herë më i madh rilindasish tiranas. Nuk besoj që 2 të punësuarit e Dakos të jenë gjeni, kështu që punën e këtyre 2 gjenive në Tiranë me zor arrijnë ta kryejnë 43 ?mediokër? të punësuar nga z. Veliaj! Pesë fishimi i të punësuarve për t?i bërë ?face-lifting? kryebashkiakut Veliaj dhe punës së Bashkisë Tiranë është një tregues tjetër se si Veliaj i Tiranës i keqpërdor paratë e taksapaguesve shqiptarë (përsa i përket marrëdhënieve me publikun) 5 fish më shumë se Dakoja i Durrësit. Ky është një rekord turpi i z. Veliaj, i cili, në vitin e dytë të punës në bashki, punëson 5 herë më shumë njerëz sesa z. Dako, në vitin e 10 në krye të bashkisë së Durrësit.

Ky krahasim i ish-mjaftistit Veliaj me socialistin denbabaden Dako e nxjerr Veliajn para gjykimit të bashkëqytetarëve të vet komplet lakuriq, njëlloj si në ?festicciola-t? e mjaftistëve, që zhvilloheshin një herë e një kohë në mjediset e Hotelit ?Chateaux Linza?.