E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Për Alfred Pezën që “vdiq” si gazetar dhe Rilindi miliarder

13 Janar 2017, 22:05, Aktualitet CNA

Sot, Citynews nëpërmjet dokumenteve zyrtare, kontratës së shitjes, ekstraktit të QKR-së dhe vetë-deklarimit të pasurive denoncoi publikisht faktin se në pranverën e vitit 2015, bashkëshortja e deputetit socialist Alfred Peza kishte blerë aksione në një bankë private në shumën 1.13 miliardë lekë.

Materiali ishte i konfirmuar nga të paktën 3 burime, dy prej të cilave institucione dhe një kontratë noteriale. Pra, QKR, deklarimi i pasurive dhe akti i firmosur dhe vulosur i blerjes së aksioneve. Tre burime janë të mjaftueshme për çdo gazetar, jo për Rilindasin Peza.

Në asnjë rast nuk ka dashakeqësi ndaj deputetit apo ndaj ish-gazetarit, por janë publikuar dokumente të pakontestueshëm që tregojnë dhe vërtetojnë atë që Peza e pranon publikisht, blerjen e aksioneve.

Ndoshta të gjithë gazetarët me punën e tyre të marrë së bashku nuk kanë pasuri apo depozita, të ardhura sa qindra milionët e Alfred Pezës, i cili për të justifikuar tregoi një dokument që në fakt nuk mohon në asnjë rast blerjen e aksioneve në një bankë.

Zoti Peza në deklarimin e pasurisë në vitin 2013, sipas Open Data Albania ku është publikuar dokumenti, rezulton të ketë rreth 200 milionë lekë të vjetra. Me një shpejtësi marramendësi sipas dokumentit të publikuar prej tij, në vitin 2014, pra vetëm brenda një viti, depozitat e bashkëshortes shkojnë rreth 900 milionë lekë.

Këto 900 milionë lekë dhe pasuria e deklaruar prej tij në vitin 2013 bëjnë që zoti Peza të gjithë këto para ti ketë përdorur për të blerë aksione në bankën private Credins në shumën 1.13 milionë lekë, blerje e kryer në pranverën e vitit 2015.

Një e vërtetë e padiskutueshme sipas dokumenteve që i ka publikuar Citynews, por edhe asaj letre të printuar që zoti Peza publikoi sot në mbrëmje.

Citynews në asnjë rast, në asnjë fjalë nuk ka aluduar apo akuzuar zotin Peza apo bashkëshorten e tij se ku i gjetën qindra mijëra eurot për blerjen e aksioneve në bankë, por thjeshtë në mënyrë profesionale dhe të paanshme ka publikuar dokumentet zyrtare.

Pasuria dhe depozitat duket të jenë marramendëse, shuma të mëdha parash, të cilat si të ardhura ndoshta do ti kishte zili edhe një biznesmen me aktivitet të madh tregtar. Janë jo pak, por 1.13 miliardë lekë, blerje aksionesh, 18 muaj pasi zoti Peza kishte deklaruar pasurinë si deputet, një pasuri e shtuar brenda një viti me rreth 900 milionë lekë. Të ardhurat që si gazetar apo drejtues mediash ai nuk do ti fitonte në disa dekada punë, Peza dhe bashkëshortja e tij i sigurojnë për 18 muaj.

Këtë nuk e themi ne, këtë e thonë dokumentet dhe e pranon vetë deputeti Peza.
Citynews ka deklaruar të vërtetën dhe do të vazhdojë ta bëjë atë për Alfred Pezën, politikan apo gazetar. Ky i dyti fatkeqësisht duket se ka ?vdekur? tek ish kolegu deputet që rrogën vjetore si deputet e ka 10 herë më të vogël se sa të ardhurat dhe kursimet që ka krijuar në 18 muaj.

Gazetari Peza ka ?vdekur? ditën kur premtoi se do ndërtonte stadiumin e Peqinit dhe do ta binjakëzonte atë me Lazion. ?Vdiq? vërtet një gazetar ditën që u fut në politikë dhe u bë deputet, por pa mbushur dy vjet si i tillë lindi aksioneri me 1% në bankën Credins që sipas aktit noterial vlen 1.13 miliardë lekë, shumë e cila në fakt është një pasuri që gazetari nuk mund ta sigurojë, as si këshilltar i ministrit, as si deputet, por vetëm Alfred Peza i Rilindjes pasi ?vdiq? si gazetar, na tregoi se e ka këtë mundësi.

Ndoshta ?vdiq? si gazetar për të Rilindur aksioner me 1.13 miliardë lekë, por këtë tani nuk duhet ta ketë ai shqetësim. Kjo duhet të jetë shqetësim e institucioneve përgjegjëse për hetimin e të vërtetës.

Prokuroria duhet ta shohë jo me dylbi as me lupë, por me rregulla dhe ligj të vërtetën e Alfred Pezës. Institucionet përgjegjëse duhet të hetojnë, verifikojnë dhe zbardhin çdo detaj të kësaj pasurie. Nuk mjafton vetëm deklarimi, por prokuroria duhet të hetojë të gjitha këto të ardhura, depozita dhe në fund të na thotë taksat që ka paguar dhe si janë siguruar.

Në përfundim, e vërteta është një dhe vetëm një. Alfred Peza është aksioner me 1% në vlerën 1.13 miliardë lekë.

I ka vjedhur, ka abuzuar, ka përfituar, është i korruptuar, është hajdut, batakçi, bandit apo çfarë, këtë ne nuk e kemi thënë në denoncimin tonë. Thjesht dhe vetëm kemi publikuar faktet dhe dokumentet. Çfarë i ?djeg? apo ?përvëlon? deputetit këtë nuk e dimë. Ajo që ne jemi të sigurt është që gazetari Peza ka ?vdekur? dhe ka rilindur miliarderi Alfred Peza.

Institucionet përgjegjëse janë ato që duhet të bëjnë hetimet dhe verifikimet. Në fund, do të themi ose kemi një abuzues ose një deputet miliarder që me kursime është bërë aksioner banke. Këtë nuk e vendosim ne. Ajo që na vjen keq është fakti që ka ?vdekur? një gazetar për të rilindur miliarder. Të tillë në Shqipëri mund të ketë shumë. Shpresojmë që të ?vdesin? sa më pak gazetarë për të mos rilindur politikanë të korruptuar si ata që shqiptarët sot i shohin dhe i dinë.

Suksese në jetë miliarderit të Rilindjes Alfred Peza!/ Citynews

Ekskluzive-SKANDALI/Deputeti i Rilindjes dhe ish-gazetari Alfred Peza ble 1.1 miliard lekë, 1% aksione në një bankë private (Dokumentat)