web counter
LEXO PA REKLAMA!

SHKARKO APP

App Store
Google Play

E fundit!

x

(FOTOT) Ja mashtrimet e Bashkisë Pogradec/ Qyteti i mbuluar nga akulli, nuk merret asnjë masë

8 Janar 2017, 14:42, Aktualitet CNA

Citynews publikoi dje disa foto të qytetit të Pogradecit ku dukeshin qartë se rrugët dhe trotuaret ishin të mbuluara nga akulli. Në denoncimin e djeshëm theksuam mungesën e masave të Bashkisë Pogradec si dhe rrezikun që i vjen qytetarëve nga akulli në rrugë.

Në një reagim për mediat, Bashkia Pogradec u shpreh se raportimet ishin dashakeqe dhe se kompania dhe ndërmarrjet kanë pastruar shpejt rrugët.

?Pavaresisht raportimeve keqdashese, situata e qarkullimit ne Bashkine e Pogradecit eshte mese normale. Ne qytet, kompania dhe ndermarrjet e bashkise kane pastruar shpejt rruget. Po ashtu rruget e njesive te tjera administrative jane te hapura. Aksi i Qaf-Thanes dhe i Qaf-Plloces jane te hapura e kalohet normalisht. Me te gjitha mjetet tona dhe pa asnje ndihme ia kemi dale per nje situate normale. Kemi qene te paret qe nisem shtabin e emergjences per ti bere balle te papriturave ndersa asnje ndihme ne mjete apo ne materiale te tjera nuk ka ardhur. Bashkia e Pogradecit po kryen detyren e saj?, shprehet Bashkia Pogradec në reagimin e saj

Sic shihet edhe nga fotot e publikuara nga Bashkia Pogradec, për pastrimin e rrugëve është vendosur vetëm një mjet i vogël sa një furgon. Me këtë mjet, Bashkia e ka të pamundur kryejë shërbimin e pastrimit të akullit. Ky furgon mund të shërbejë për të pastruar dëborën, ndërsa për akullin, i cili është i rrezikshëm për qytetarët, duhet të përdoret kripë apo skorje.

Për të vërtetuar dështimin e Bashkisë Pogradec dhe mashtrimin e saj lidhur me pastrimin e akullit, Cityneës po sjell foto të shkrepura sot ku duket qartë që akulli mbizotëron në rrugët dhe trotuaret e Pogradecit.

Kjo situatë e rënduar e qytetit rrezikon seriozisht jetët e qytetarëve. Me dhjetra qytetarë përfundojnë cdo ditë në spitale për shkak të frakturave që kanë marrë nga rrëshkitja në akull.

Nga ana tjetër, rruga e fshatit Lin është totalisht e bllokuar. Banorët janë izoluar në fshat dhe vetëm për disa qindra metra për të cilat Bashkia nuk ka marrë asnjë masë, ata janë detyruar të kalojnë këto ditë të ftohta pa mundur të dalin nga fshati.

Gjithashtu, në reagimin e saj, Bashkia Pogradec, thekson se aksi Qafë-Thanë është pastruar, ndërkohë sot Policia arrestoi administratorin e firmës që merret me pastrimin e një pjese të këtij segmenti Qafë-Thanë-Lin, pasi shpërdoroi detyrën duke mos pastruar dëborën dhe akullin në këtë aks.

Me këto problematika, me qytetin e mbuluar nga akulli, Bashkia Pogradec gjen kurajon dhe shprehet se raportimet janë dashakeqe. Më poshtë fotot e shkrepura sot, të cilat tregojnë mashtrimin e Bashkisë Pogradec. Meqenëse raportimet janë dashakeqe, po ua lëmë në dorë qytetarëve të japin vlerësimin e tyre. Jemi ne dashakeq apo janë mashtrues drejtuesit e Bashkisë Pogradec./citynews

Dy fotot e para janë të mjeteve të transportit që Bashkia Pogradec ka vendosur për pastrimin e akullit. Më pas fotot e citynews, të shkrepura sot ku duket prania e akullit në rrugë dhe në trotuare.

Denoncimi në Citynews/Procedohet penalisht administratori i firmës së mirëmbajtjes të aksit rrugor Pogradec-Lin





Lajmet e fundit nga