web counter
LEXO PA REKLAMA!

SHKARKO APP

App Store
Google Play

Ilir Beqaj nuk siguron autoambulancat/ Shoferët i paguajnë dëmet nga xhepi

8 Janar 2017, 13:16, Aktualitet CNA

Policia raportoi sot për një aksident, ku një autoambulancë ka përplasur 3 makina. Ky nuk është as i pari e as i fundit ku një ambulancë aksidenton mjete të tjera.

Sipas policisë, por edhe sipas disa informacioneve të mbledhura shpesh dhe të denoncuara nga citynews, ambulancat nuk sigurohen nga Ministria e Shëndetësisë.

Ilir Beqaj dhe Ministria e Shëndetësisë harxhojnë qindra miliona euro për koncesione, por nuk mundet të mbledhë dhe të sigurojë disa dhjetra mijëra euro për të bërë të mundur prerjen e siguracioneve për autoambulancat.

Shoferët e këtyre mjeteve që në fakt mund të quhen edhe heronj në punën e tyre, në rast të një aksidenti duhet ti paguajnë nga xhepi dëmet, të rregullojnë mjetet, të dëmshpërblejnë, të ndiqen penalisht e të shkojnë në Gjykata në rastet kur janë ata përgjegjës.

Ky është një skandal ku shteti nuk mund të fshihet pas gishtit duke lënë përgjegjësinë tek drejtuesit e mjeteve, të cilat janë të pa pajisura me siguracion. Në këtë rast, përgjegjësia nuk është e shoferëve, por e Ministrit të Shëndetësisë, Ilir Beqaj, i cili nuk siguron autoambulancat.

Autoambulancat në vendet perëndimore apo SHBA konsiderohen si mjete të rrezikshme në lëvizje për shkak të shpejtësisë së madhe. Në SHBA, siguracioni i një autoambulance kushton rreth 30 mijë dollar në vit, kjo për të pasur të siguruar çdo pasojë që mund të vijë nga lëvizja me shpejtësi i mjetit.
Në Shqipëri, autoambulancat nuk sigurohen dhe kjo duket të jetë një tjetër çmenduri e Ilir Beqës në Ministrinë e Shëndetësisë./citynews





Lajmet e fundit nga