E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Historiani tallet me Veliajn/ Nuk njeh faktin më të thjeshtë të kryeqytetit

8 Janar 2017, 11:35, Aktualitet CNA

Dje në mbrëmje, kryetari i Bashkisë së Tiranës duke iu përgjigjur disa pyetjeve në emisionin ?Xing me Ermalin? në Tv Klan, deklaroi se Tirana u shpall kryeqytet i Shqipërisë në kongresin e Lushnjës në vitin 1920.

Por historiani Kastriot Dervishi shprehet se Kongresi i atëhershëm në fakt nuk është marrë fare me çështjen e kryeqytetit.
Ai thekson se ?kur qytetari nr.1 i një kryeqyteti nuk zotëron një informacion të tillë minimal (që për hir të së vërtetës gjendet në nivelin fillor të shkollës), emetimi i pasaktësive të këtij lloji bëhet i dëmshëm për publikun.?

Më tej, Dervishi shpjegon:

“Kongresi i Lushnjës, i mbledhur më 21-31 janar 1920, në rolin e një asambleje kombëtare nuk diskutoi dhe as caktoi kryeqytetin e Shqipërisë sepse i tillë ishte Durrësi. Kongresi ishte mbledhur për çështje të tjera madhore. Kongresi mori disa vendime si dhe miratoi një kornizë kushtetuese të përkohshme si kanunorja, por në asnjë germë të vendimeve të tij, nuk u mor me çështjen e kryeqytetit. Pas mbarimit të punimeve të kongresit, Këshilli i Naltë dhe qeveria u nisën në Durrës ku do të vendoseshin dhe do ushtronin detyrat e tyre. Meqenëse Durrësi ishte i pushtuar forcat ushtarake italiane, këta nuk i lejuan institucionet e reja të hynin në këtë qytet. Të dy organet e larta bënë një mbledhje të përbashkët në Kavajë më 5 shkurt 1920, prej ku dolën me vendimin që të vendoseshin në Tiranë deri në zgjidhjen e çështjes së kryeqytetit. Si Këshilli i Naltë ashtu edhe qeveria nuk kishin tagër të caktonin kryeqytetin. Në këtë mënyrë, nga mbledhja e Kavajës, Tirana u bë kryeqytet i përkohshëm. Dita kur Këshilli i Naltë dhe Këshilli i Ministrave hynë në Tiranë, pra më 11 shkurt 1920, është nisja e jetës së Tiranës si kryeqytet, por për këtë datë nuk është marrë asnjë lloj vendimi.
Çështja e kryeqytetit si dhe e formës së regjimit ishin në qendër të fushatës zgjedhore të vitit 1923. Forcat politike të kësaj kohe kishin në programet e tyre që kryeqyteti i vendit të ishte një nga këto qytete: Shkodra, Tirana, Vlora dhe Elbasani. Ndërkohë Durrësi vazhdonte të ishte juridikisht kryeqytet i vendit. Përfundimisht kryeqytetin e vendosi Ahmet Zogu dhe forca e tij politike, e cila në Kuvendin Kombëtar miratoi kushtetutën e Republikës Shqiptare të vitit 1925. Ky është akti i parë zyrtar i caktimit të Tiranës si kryeqytet i Shqipërisë.”