E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Dënimet deri në 3 vjet/ Kush paguan 5.4 mln lekë fiton lirinë

29 Dhjetor 2016, 15:50, Aktualitet CNA

Kodi Penal pritet që të pësojë ndryshime të tjera dhe kjo mesa duket do të ulë edhe numrin e të dënuarve në burgjet shqiptare. Në nenin 53 të këtij kodi është propozuar që mundësia për zëvendësim të dënimit me pagesë të zgjerohet deri tek ata që kanë tre vjet dënim të mbetur nga dy që është sot.

Kjo do të thotë që të dënuarit deri në tre vjet apo që ju ka mbetur 3 vjet nga dënimi i tyre mund të paguajnë pak më shumë se 5.4 milionë lekë dhe të gëzojnë lirinë.

Konkretisht në nenin 53 thuhet: ?Të gjithë ato persona që janë dënuar me burgim deri në 3 vjet apo që u kanë mbetur pa vuajtur edhe 3 vjet burgim, mund të kërkojnë ta zëvendësojnë dënimin e mbetur me pagimin e një shume të hollash në favor të shtetit, duke llogaritur 5000 lekë për një ditë burgim. Në këtë rast, dënimi konsiderohet i shlyer.?

Gjithsesi në finale zëvendësimi i burgimit me shlyerjen financiare vendoset nga gjykata dhe duhet të ekzekutohet brenda 10 ditësh. Një tjetër ndryshim lidhet me llogaritjen e paraburgimit.

Aktualisht me Kodin Penal në fuqi një ditë paraburgim është baras me një ditë e gjysmë burgim ose 5 mijë lekë gjobë ose tetëmbëdhjetë orë pune në interes publik.

Me propozimin e ri një ditë paraburgim është baras me 1.5 ditë burgim, një ditë arrest shtëpie e barabartë me një ditë burgim, një ditë paraburgim e barabartë me 3000 lekë gjobë, një ditë burgim e barabartë me 2000 lekë gjobë, ndërkohë që edhe 18 orë punë në interes publik mbetet në fuqi për një ditë paraburgim.

Ndryshimet parashikojnë zgjatje të afatit të kërkimit për personat që janë deklaruar në ndjekje penale. Shkelja e etikës mjekësore dhe trajtimi mjekësor alternative ka ndryshuar totalisht në nenin 96 të propozuar.

Nëse aktualisht mjekimi i pakujdesshëm i të sëmurëve ka shkaktuar dëm apo ka rrezikuar jetën e personit përfshirë edhe vdekjen e tij dënimi është me gjobë ose burgim deri në pesë vjet me ndryshimet e propozuara mjekut i hiqet e drejta e ushtrimit të profesionit si dhe pagimi i një gjobe.

Dënimi në rastet e vdekjeve kalon në burgim dy deri në pesë vjet. Kur nuk jepet ndihma e parë dënimi është gjobë ose burgim deri në një vit.

Në rastet e dhunës mes bashkëshortëve, bashkëjetuesve apo ish-bashkëjetuesve dënimi shkon burgim deri në dy vjet kur në fakt shtrëngimi apo dhuna në të njëjtin rast sipas Kodit në fuqi lë si variant dënimin me gjobë ose burg deri në tre muaj./SCAN