E fundit!

16:15 Aktualitet

Zaha Hadid Architects dhe Agi Kons prezantojnë "The Nest" dhe "The Cascades of Tirana" në Kodra e Diellit

Në zemër të Kodrës së Diellit, një prej zonave me zhvillim...

Hiqet mandati i kryebashkikut Elvis Rroshi dhe i deputetëve Dashamir Tahiri e Shkëlqim Selami

29 Dhjetor 2016, 13:00, Aktualitet CNA

Komisioni Qendror i Zgjedhjeve ka vendosur të pranojë kërkesën e prokurorisë për ndërprerjen e mandatit të kryebashkiakut të Kavajës Elvis Rroshi.

Gjithashtu, KQZ ka vendosur ndërprerjen e mandateve për deputetët Shkëlqim Selami dhe Dashamir Tahiri.

Ka qenë kreu i KQZ, Denar Biba që ka njoftuar pavlefshmërinë e mandatit të Elvis Rroshit dhe deputetëve Selami dhe Tahiri.

Mësohet se vendimi i për heqjen e mandateve për 3 funksionarëve është marrë me shumicë votash nga anëtarët e KQZ.

Vendimi për mandatet e deputetëve do ti shkojë Kuvendit, ndërsa ai për kryebashkiakun i dërgohet kryeministrit Edi Rama. KQZ njofton edhe nisjen e procedurave për zëvendësimin e krybashkiakut të Kavajës.

Heqja e mandateve lidhet me kërkesën e prokurorisë, pas konstatimit për fshehje të dhënash në formularin e vetëdeklarimit në kuadër të procesit të dekriminalizimit.

AKUZAT E PROKURORISE

DASHAMIR TAHIRI

Sipas Prokurorisë së Përgjithshme, deputeti Dashamir Tahiri rezulton të ketë fshehur në formularin e dekriminalizimit dy dënime. ?Dashamir Tahiri, në vitin 1995 është raportuar nga policia në Foggia për krime lidhur me falsifikimin e parave;

Në vitin 2009 është dënuar nga Gjykata në Ravena (për të vuajtur 9 muaj burgim) për përdorim të një leje drejtimi shqiptare të falsifikuar. Subjekti është kontrolluar disa herë nga policia;

Subjekti Tahiri ka dhënë shpjegimet e tij në Sektorin e ?Dekriminalizimit?, duke deklaruar se nuk ka qenë në dijeni të dënimit me burgim në Ravena. Ndërsa lidhur me procedimin për ?falsifikim parash?, ka deklaruar se bëhet fjalë për një episod në autostradë, kur ai është mashtruar nga një kamerier lokali, i cili i ka dhënë para false?, thuhet në argumentet e Prokurorisë.

SHKËLQIM SELAMI

Deputet i LSI-së, Shkëlqim Selami, sipas Prokurorisë nuk ka deklaruar arrestimin me burg dhe hetimin ndaj tij për trafik të qenieve njerëzore. ?Shtetasi Shkëlqim Selami, me funksion deputet, rezulton se nuk ka deklaruar në formularin e ?Dekriminalizimit? të dhëna për një masë sigurimi ?arrest me burg?, nxjerrë ndaj tij nga ana e Gjykatës së Brindizit, si i dyshuar për pjesëmarrje në organizatë kriminale që merrej me ?Trafikim të qenieve njerëzore?.

Masa ndaj tij është dhënë në vitin 1994 dhe është ekzekutuar në vitin 2006. Në kuadër të kësaj mase, ai ka qëndruar një javë në paraburgim në Brindizi dhe më pas është lënë i lirë, në vijim të hetimit?, thuhet në kërkesën e Prokurorisë.

ELVIS RROSHI

Ndërsa kryebashkiaku i Kavajës nuk ka deklaruar se është dënuar për veprën penale të ?Përdhunimit? në vitin 1995 dhe një sërë ndalimesh të tjera. ?Shtetasi Elvis Rroshi, me funksion kryetar i Bashkisë Kavajë, rezulton se nuk ka deklaruar në formularin ?Për Dekriminalizimin? si vijon: Një dënim për veprën penale të ?Përdhunimit? në grup, në vitin 1995, në Itali.

Nuk ka deklaruar përdorimin e disa emrave në Zvicër. Në prill 1993 ka hyrë në mënyrë të paligjshme në shtetin zviceran dhe ka kërkuar azil. Në 14 maj 1993 është ndaluar nga policia e Zyrihut për një rast droge dhe është dëbuar 4 muaj më vonë. Në korrik 1997 ka hyrë përsëri në mënyrë të paligjshme dhe ka kërkuar azil.

Në gusht 1997 është dëbuar sërish. Në vitin 2015, DEA/US ka informuar autoritetet zvicerane se po hetonin një shtetas të quajtur Enver Rroshi për trafik droge dhe pastrim parash?, ka bërë të ditur Prokuroria.