web counter
LEXO PA REKLAMA!

SHKARKO APP

App Store
Google Play

E fundit!

x

Hapet gara për Këshillin e Lartë të Prokurorisë/Ja kompetencat

29 Dhjetor 2016, 08:56, Aktualitet CNA

Kryeprokurori Adriatik Llalla ka hapur dje garën për Këshillin e Lartë të Prokurorisë. Prokurori i Përgjithshëm ka shpërndarë formularët që duhet të plotësohen nga të gjithë prokurorët, që synojnë të kandidojnë për Këshillin e Lartë të Prokurorisë, një institucion i ri ky që parashikohet në Kushtetutën e re.

Këshilli i Lartë i Prokurorisë do të përbëhet nga 11 anëtarë, ndërsa prokurorët konkurrues duhet të deklarojnë, përveç të dhënave personale, edhe për të afërm të shkallës së parë dhe të dytë. Sipas ligjit, që nga bashkëshortët e tyre deri te nipër e mbesa, prokurorët duhet të tregojnë në formularë nëse ndonjëri prej tyre ushtron profesionin e avokatit, apo nëse është pronar apo drejtues ekzekutiv në subjekte tatimpaguese të mëdha.

Ngritja e KLP do të sjellë dhe fundin e Adriatik Llallës, pasi do i hiqen kompetencat kryesore. Me ngritjen e KLP, Llalla kthehet në një administrator të organit që drejton. Atij i hiqen një sërë kompetencash, duke filluar që nga ajo e emërimit të prokurorëve apo shkarkimit. Një tjetër kompetencë që i hiqet është komandimi i prokurorëve në prokurori ku ka vende vakante. Po ashtu i hiqet e drejta për të kryer inspektime, për të nisur procedurat disiplinore dhe marrjen e masave ndaj prokurorëve. Tjetër kompetencë që i hiqet, është e drejta që kishte për të thërritur Këshillin e Prokurorisë apo të përcaktonte planin e inspektimeve disiplinore. Pritet që nga muaji mars të ngrihen organet e reja dhe bashkë me KLP, edhe KLGJ apo SPAK. Sinjalet janë se në pranverë do nisin dhe efektet e para të reformës në drejtësi.





Lajmet e fundit nga