web counter
LEXO PA REKLAMA!

SHKARKO APP

App Store
Google Play

Skandali/ Ja si i mashtron ‘Blue Panorama’ qytetarët (FOTOT)

29 Dhjetor 2016, 11:51, Aktualitet CNA

Dhjetra qytetarë janë detyruar sot të presin me orë të tëra në terminalin e aeroportit të Rinasit për shkak të talljes nga kompania e udhëtimit ?Blue Panorama?.

Burime për citynews bëjnë me dije se linja Tiranë ? Ankona, me kompaninë ?Blue Panorama? është shtyrë disa herë nga orari zyrtar i nisjes.

Nisja për në Ankona ishte parashikuar për në orën 07:30 të ditës së sotme, por pa asnjë paralajmërim dhe pa asnjë shpjegim, udhëtimi u shty për orën 11:20.

Por, mashtrimi i kësaj kompanie ndaj udhëtarëve nuk përfundoi me kaq. Në momentin që qytetarët po përgatiteshin për tu  nisur me orarin e ndryshuar, ?Blue Panorama? njofton për një tjetër shtyrje, këtë herë në orën 14:40.

Kjo nuk është hera e parë që kjo kompani udhëtimi shkel të drejtat e udhëtarëve, duke i lënë ata me orë të tëra në pritje. Ky është vetëm një nga rastet e denoncuara nga qytetarët.

Pavarësisht rasteve të përsëritura, kompania në fjalë nuk mban asnjë përgjegjësi për dëmin e shkaktuar. Nga ana tjetër, Autoriteti i Aviacionit Civil, i cili duhet të ndërhyjë në këto raste për të siguruar kushtet për udhëtarët, nuk vepron.

Edhe këtë herë, ata që e pësojnë janë qytetarët./citynews

Më poshtë fotot nga pritja e qytetarëve në terminal pas ndryshimeve të vazhdueshme të orarit





Lajmet e fundit nga