web counter
LEXO PA REKLAMA!

SHKARKO APP

App Store
Google Play

Hiqet mandati deputetëve Tahiri dhe Selami/ Ja kush i zëvendëson

29 Dhjetor 2016, 13:31, Aktualitet CNA

Komisioni Qendror i Zgjedhjeve ka vendosur të pranojë kërkesën e prokurorisë për të shpallur të pavlefshëm mandatin e deputetit Shkëlqim Selami, i dalë nga listat e LSI dhe të Dashamir Tahirit, i dalë nga listat e PDIU.

Sipas procedurave, dy deputetët do të zëvendësohen nga emrat që vijnë në radhë nga listat partiake.

Në listat e LSI-së, në qarkun e Vlorës ku Selami doli fitues, pas tij rezulton të jetë Flamur Çelaj, i cili aktualisht mban postin e drejtorit ekzekutiv të Autoritetit të Aviacionit Civil. Por, Çelaj mund të parakalohet nga Katina Goga, e cila është e 3-ta në listën e deputetëve të LSI-së në Qarkun e Vlorës, për shkak se ligji parashikon më shumë përparësi për gjininë femërore.

Nga ana tjetër, deputeti Dashamir Tahiri, i zgjedhur në Qarkun e Vlorës nga listat e PDIU, do ti lërë mandatin e deputetit Skënder Zejnos.

Do të jetë Kuvendi i Shqipërisë që do të përcaktojë edhe zëvendësuesit e deputetëve  Tahiri dhe Selami, të cilët nuk deklaruan të dhënat në formularin e vetëdeklarimit.

Megjithatë, 2 deputetët mund të ankimojnë vendimin e KQZ në Gjykatë, e cila do të vendosë përfundimisht për fatet e mandateve të tyre./citynews





Lajmet e fundit nga