web counter
LEXO PA REKLAMA!

SHKARKO APP

App Store
Google Play

E fundit!

x

Numrat/ Qeveria apo opozita, ja kush përfiton nga heqja e mandateve

29 Dhjetor 2016, 15:16, Aktualitet CNA

KQZ pranoi kërkesën e prokurorisë për të shpallur pavlefshmërin e mandatit të kryebashkiakut të Kavajës Elvis Rroshi, dhe deputetëve Shkëlqim Selami dhe Dashamir Tahiri, për shkak se fshehën të dhënat në formularin e vetëdeklarimit.

Sipas listave të LSI në Qarkun e Vlorës, Shkëlqim Selami do të zëvendësohet nga Flamur Çelaj ose Katina Gogaj, kjo për shkak të përparësisë gjinore dhe nga krahu tjetër, deputeti i PDIU-së Dashamir Tahiri do të zëvendësohet nga Skënder Zejno, i cili vjen i dyti në listë.

Me këtë llogari, opozita humbet një deputet. Kjo për shkak se Dashimr Tahiri u zgjodh nga listat e PDIU-së dhe pas afrimit të kësaj force politike me qeverinë, ai shfaqi pakënaqësi dhe u bashkua me grupin parlamentar të PD. Pas heqjes së mandatit, PDIU pritet të bëhet me 9 deputetë, të cilët janë pjesë e koalicionit qeveritar.

Për sa i përket deputetit tjetër të cilit iu hoq mandati, Shkëlqim Selami, zëvendësimi i tij nuk ndikon në numrat e qeverisë. Ai llogaritej si pjesë e grupit të LSI-së, por kohët e fundit flitej për një afrim me Partinë Socialsite dhe kryeministrin Edi Rama.

Duke llogaritur edhe votat pro të deputetëve të përjashtuar si Armando Prenga dhe Tom Doshi, por edhe të deputetit Mhill Fufi, tashmë i përjashtuar nga grupi i PD, koalicioni qeveritar PS+LSI+PDIU, shkon deri në 89 deputetë.

Nga ana tjetër, opozita parlamentare mbetet me 51 deputetë. Nga këto, Partia Demokratike ka 40 deputetë, Partia Republikane ka 5 deputetë, PAA me një deputet dhe 5 deputetë jashtë grupeve parlamentare të cilët kanë shprehur qëndrimin e tyre kundër qeverisë./citynews





Lajmet e fundit nga