web counter
LEXO PA REKLAMA!

SHKARKO APP

App Store
Google Play

E fundit!

x

Heqja e mandateve/ LSI dhe PDIU me nga një deputet më shumë

29 Dhjetor 2016, 14:47, Aktualitet CNA

Vendimi i Komisionit Qendror të Zgjedhjeve për të pranuar kërkesën e prokurorisë për të shpallur të pavlefshëm mandatin e deputetëve Shkëlqim Selami dhe Dashamir Tahiri, do të sjellë nga një deputetë më shumë për LSI-në dhe PDIU-në.

Sipas listave të LSI në Qarkun e Vlorës, Shkëlqim Selami do të zëvendësohet nga Flamur Çelaj ose Katina Gogaj, kjo për shkak të përparësisë gjinore dhe nga krahu tjetër, deputeti i PDIU-së Dashamir Tahiri do të zëvendësohet nga Skënder Zejno, i cili vjen i dyti në listë.

Kështu, dy partitë politike LSI dhe PDIU rikthejnë nën gjirin e tyre nga një deputet, kjo për shkak se dy deputetët të cilëve i është hequr mandate, kanë devijuar drejtimin e tyre gjatë kësaj periudhe.

Deputeti Shkëlqim Selami, u zgjodh në Qarkun e Vlorës nga listat e LSI-së, por më pas ai shfaqi afrimitet dhe Partinë Socialiste dhe kreun e saj Edi Rama. Ai cilësohej si votë e sigurt për kryeministrin, edhe pse vijoji të mbetej pjesë e grupit të LSI.

Nga ana tjetër, deputeti Dashamir Tahiri, i zgjedhur në Qarkun e Vlorës nga listat e PDIU-së, u bashkua me grupin parlamentar të Partisë Demokratike, duke shprehur pakënaqësi për bashkimin e PDIU me qeverinë. Ai tashmë do të zëvendësohet nga Skënder Zejno, i cili do ti bashkohet grupit parlamentar të PDIU, duke e çuar në 9 numrin e deputetëve të kësaj partie dhe duke i shtuar një deputet mazhorancës.

Megjithatë, fjala e fundit nuk është thënë ende pasi vendimi i KQZ mund të ankomohet në Gjykatën Administrative./citynews





Lajmet e fundit nga