web counter
LEXO PA REKLAMA!

SHKARKO APP

App Store
Google Play

Tensionohet situata në Asamblenë e PS/ Shpërthen Kokëdhima: Rama ka larguar nga puna drejtuesit

23 Dhjetor 2016, 12:35, Aktualitet CNA

Koço Kokëdhima ka folur sot me një ton të ashpër në Asamblenë e Partisë Socialiste në lidhje me propozimin për shkarkimin e tij nga funksioni i Sekretarit për Çështjet e Emigracionit.

Ai u shpreh se shkarkimi i tij është nisur kohë më parë, që kur i hoqën mandatin si deputet. Kokëdhima iu drejtua anëtarëve të Asamblesë socialiste duke i thënë se kanë mbledhur firma kundër tij dje dhe pardje.

?Shkarkimi im është nisur kohë më parë. Argumenti që nuk merrja pjesë në mbledhje diskretitues. U mblodhën firma kundër meje, dje dhe pardje?, tha Kokëdhima

Më pas, ish-deputeti socialist ka lëshuar akuza të forta ndaj kryeministrit Edi Rama për të cilin tha se me urdhër të tij janë larguar nga puna drejtues të PS.

Kokëdhima tha se kur ndodh kështu me atë, imagjino se çfarë ndodh me popullin. Ai u shpreh se nuk mundet ta izolojnë, por akuzoi rëndë drejtuesit e PS se i dënojnë njerëzit për shkak të ideve.

“Kemi kulturë të mbrapshtë politike, sulmet nuk më ligështojnë. Jemi 6 muaj para zgjedhjeve, mua nuk më izoloni dot. Kur ndodh kështu me mua, imagjinoni me të tjerët. Kthejini në punë këta që keni pushuar. Ju i dënoni njerëzit për shkak të ideve politike. Drejtuesit e PS, me urdhërin e Ramës janë flakur nga puna. tha Kokëdhima në Asamblenë e PS”, tha ai





Lajmet e fundit nga