E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Politika dhe administrata të mbërthyera nga krimi/Verifikime për 500 persona

23 Dhjetor 2016, 09:09, Aktualitet CNA

Politika shqiptare dhe administrata janë të mbushura nga krimi. Deputetët Dashamir Tahiri, Shkëlqim Selami dhe kryebashkiaku Elvis Rroshi, janë vetëm emrat e parë që do preken nga dekriminalizimi.

Sipas burimeve zyrate, në njësinë e posaçme të ngritur në Prokurorinë e Përgjithshme për kryerjen e verifikimeve në kuadër të dekriminalizimit janë dosjet e rreth 500 personave. Pasi mbaroi procesi i verifikimit për 3 zyrtarët e mësipërm, mësohet se tani ka nisur puna për të verifikuar të shkuarën kriminale për të gjithë ata individë që në formularët e dekriminalizimit kanë rezultuar me probleme.

KQZ ka dorëzuar emrat e një sërë deputetëve, kryebashkiakëve dhe këshilltarëve bashkiakë, të cilët janë në proces verifikimi. Por pjesa më e madhe e personave në fjalë janë në nivele drejtuesish në administratën publike.

Burimet nga prokuroria bënë me dije se institucionet përgjegjëse që administrojnë formularë kanë dorëzuar aty mbi 500 kërkesa verifikimi, që do të thotë se janë mbi 500 zyrtarë që dyshohet se kanë kryer krime. Pjesa më e madhe e kërkesave është bërë nga Departamenti i Administratës Publike, pasi ai ka dhe numrin më të madh të punonjësve. Bëhet fjalë për pjesëtarë të shërbimit civil, drejtorë dhe individë të tjerë që kanë sot në dorë administratën publike.

Të gjithë këta individë janë duke kaluar në sitë nga organi qendror i akuzës dhe çdo institucioni do i kthehet përgjigje zyrtare nëse janë gjetur me probleme apo jo. Sipas burimeve, deri më tani shumë anëtarë të shërbimit civil janë gjetur me probleme dhe për të gjithë këta do të kërkohet largimi nga puna, ndërsa për shumë të tjerë do ketë dhe hetime, sepse kanë mashtruar me formularët e deklarimit.

Shifrat tregojnë se pavarësisht pretendimeve të qeverisë, vendi drejtohet nga krimi. Ekzistenca e 500 personave me rekorde kriminale në politikë dhe administratë, dëshmon se vendi mbahet peng nga të inkriminuarit.