web counter
LEXO PA REKLAMA!

SHKARKO APP

App Store
Google Play

Gazetari tregon arsyen pse prokuroria ka kërkuar heqjen e mandatit për Elvis Roshin

22 Dhjetor 2016, 21:20, Aktualitet CNA

Gazetari i ?ABC News?, Flamur Vezaj në studion e emisionit Opinion në TV Klan, ka theksuar se kryetari i Bashkisë së Kavajës Elvis Roshi ka falsifikuar katër formulare të deklarimit tw dekriminalizimit. Vezaj tha, sipas Prokurorisë, Roshi nuk ka deklaruar katër raste të precedentëve të tij kriminal të supozuara se janë kryer jashtë vendit.

Më tej, ai deklaroi se sipas Prokurorisë rezulton se nuk ka deklaruar në formularin për dekriminalizim, një dënim për rastin e një përdhunimi të një minoreneje në grup, në vitin 1995 në Itali.

Nuk ka deklaruar përdorimin e disa emrave në Zvicër, në muajin prill të vitit 1993 ka hyrë në mënyrë të paligjshme në shtetin zviceran dhe ka kërkuar azil. Në 14 maj të vitit ?93 ai është ndaluar nga policia e Zyrihut për një rast droge dhe është dëbuar katër muaj më vonë.

Në korrik të vitit 1997 ka hyrë përsëri në mënyrë të paligjshme dhe ka kërkuar azil po në Zvicër dhe në gusht të ?97 është dëbuar sërish.

Në vitin 2015 DEA amerikanë ka informuar autoritetet zvicerane se po hetojmë një shtetas të quajtur Enver Roshi për trafik droge dhe pastrim parash.

Vezaj, bëri me dije, se duke i referuar të dhënave të Prokurorisë, Elvis Roshi nuk i ka deklaruar këto të dhëna në formularin e dekriminalizimit.





Lajmet e fundit nga