web counter
LEXO PA REKLAMA!

SHKARKO APP

App Store
Google Play

E fundit!

x

Vangjush Dako i përgjigjet deputetëve të PD/ Erdhët si çetë e shpartalluar për të hedhur baltë

19 Dhjetor 2016, 14:38, Aktualitet CNA

Partia Demokratike ka zhvilluar sot një protestë përpara bashkisë së Durrësit, duke kërkuar dorëheqjen e Vangjush Dakos, pas pretendimeve se ka ndikuar në vendimin e gjykatësve në lirimin e Lulzim Berishës.

Përmes një deklarate për mediat, Dako shprehet se detyrën për të liruar njerëzit nga burgu e kanë Gjykatat e Shqipërisë dhe jo ai.

Ai thekson se deputetët e PD-së që zhvilluan sot protestën erdhën si një çetë e shpartalluar përpara bashkisë për të hedhur baltë mbi të.

 Deklarata e Kryetarit të Bashkisë së Durrësit Vangjush Dako

E ndoqa me keqardhje përpjekjen e sotme të Shqupit për të vazhduar falsifikimin publik të një historie që s’ka asnjë lidhje me mua.

Unë jam kryetar bashkie dhe bëj vetëm detyrën time, me ndershmëri e pasion politik për qytetin tim dhe këtë qytetarët e Durrësit e dinë aq mirë sa më kanë vlerësuar me votën e tyre në rritje tre herë rresht.

Detyrën për të dënuar apo liruar njerëzit nga burgu e kanë gjykatësit dhe Gjykatat e Shqipërisë. Këtë edhe trimat e Shqupit e dinë shumë mirë, por trimëria e tyre është vetëm për të sharë, shpifur dhe falsifikuar të vertetën, jo për të denoncuar gjykatësit e korruptuar që janë edhe aleatët me të zellshëm të Shqupit.

Në vend që të shkojnë të protestojnë tek Gjykata Kushtetuese për të nxjerrë pa humbur kohë vendimin për Vetingun, trimat e Shqupit vijnë si një çetë e shpartalluar përpara bashkisë për të hedhur baltë mbi mua. Por balta e tyre vetëm më nderon dhe më motivon më shumë në betejën tonë me ta. Ne jemi e ardhmja, ata janë vetëm e shkuara.

Le të vazhdojnë se qershori po vjen dhe Durrësi do ta japë përsëri përgjigjen për kërkesën e tyre të papranueshme për t’u rikthyer në pushtet pasi rrënuan Shqipërinë





Lajmet e fundit nga