Luçiano Boçi: Rama mashtron, vlerësimi PISA është për investimin e kurrikulës së zhvilluar nga PD

12 Dhjetor 2016, 12:49, Aktualitet CNA

Deputeti Luçiano Boçi shprehet se vlerësimi PISA, për të cilën u shpreh se rama u shpreh të mashtrojë nxënësit 15-vjeçar, është për investimin e kryer për kurrikulën nga PD në vitet 2009-2013.

Përmes një postimi në rrjetet sociale ai shprehet se se kurrikula e re, që është ofruar nga Ministria e Arsimit, që Rama e propagandon me të madhe, ka filluar në vitin 2014 dhe ka prekur klasat 1,2,6,7 dhe në vitin 2015 klasën e 10-të dhe nuk ka asnjë impakt për klasën e 9 në këtë vit (2015) dhe në 2016.

Postimi i plotë i Boçit

Meqenëse Rama këto vite ka tradhtuar e ka tentuar të mashtrojë pedagogët e studentët, mësuesit e maturantët, provoi ta bëjë këtë dhe me nxënësit 15 vjeçarë.

Meritat e investimit të tyre dhe familjeve të tyre përgjatë viteve, kur Rama “hipte” mbi kuti, për t’i bllokuar atyre dhe vendit, të ardhmen evropiane dje, kërkoi t’i paraqesë si të vetat sot.
Nga “entuziazmi” gati-gati sa nuk tha që ishte Ai vetë, Lindita dhe Qeveria që e bënë testin PISA e jo nxënësit.
Po i thërras Ramës të zbresë nga maja e FCB-së.
Të qetësohet nga dështimet e njëpasnjëshme.
Ta përtypë të vërtetën dhe të mos na flasë më si e “ëma e Zeqos”.
15 vjeçarët nuk duan ?babagjysh? fallco.
Janë të rritur. Duan kryeministër.
Dëlirësia e 15 vjeçarëve nuk mund të përdoret si leckë, për të fshirë blozën e qeverisjes së tij në arsim.
Arritjet e tyre na bëjnë krenarë e na mbushin me shpresë.
Po e ndihmoj Ramën të mësojë të vërtetën e shkakut të arritjes së 15 vjeçarëve tanë, përpos meritës, inteligjencës e aftësisë personale të tyre.
Po i nënvizoj atij se ky test PISA, i pilotuar në Shqipëri në 2014 dhe i zhvilluar në 2015 vlerëson investimin e shumë viteve te nxënësve, ku përfshihet përmbajtja kurrikulare, puna e mësuesit dhe e nxënësit, si dhe mbështetja me mjete dhe teknologji mësimore dhe jo dy apo tre vite
Po çfarë ka bërë Rama me Ministrinë e Arsimit në analizë të fundit për klasën e 15 vjeçarëve?!
Po i kujtoj saktë se për klasën e 9-të, përgjatë viteve 2013-2015, nga Ministria e Arsimit dhe Sportit nuk është ofruar asnjë ndryshim kurrikular.
As dhe ndonjë trajnim i posaçëm për mësuesit, përkundër lodhjes, denigrimit e depersonalizimit të tij.
E vërteta është që gjithë investimi pozitiv në përmbajtje dhe në zhvillimin e mësuesve për këtë moshë, ka qenë ai i trashëguar nga periudha 2009-2013.
Po kërkoj t’i theksoj të vërtetën se kurrikula e re, që është ofruar nga Ministria e Arsimit, që ai e propagandon me të madhe, ka filluar në vitin 2014 dhe ka prekur klasat 1,2,6,7 dhe në vitin 2015 klasën e 10-të.
Pra nuk ka asnjë impakt për klasën e 9 në këtë vit (2015) dhe në 2016.
Aq më keq në këto vite, ai ndërhyri traumatikisht, për të ndërprerë kalimin natyrshëm të arsimit parauniversitar në strukturën 6+3+3, sikurse e kanë vendet evropiane dhe ato të OECD-së, duke rikthyer atë në 5+4+3 me justifikime banale.
Për të mos folur për maturantët, të cilëve “u punoi qindin” me procesin katrahurë të pranimeve.
Rama duhet ta ngulë mirë në kokë, që në këtë rrethanë, vlerësimi PISA është ?de facto? vlerësim për atë që ka qenë investuar në përmbajtje dhe në shkolla, që me reformën e kurrikulës së zhvilluar nga Ministria e Arsimit e PD e periudhës 2009-2013.
Rama dhe Ministria aktuale e Arsimit, duhet të presin të bëhet vlerësimi i 15 vjeçarëve, të cilët do të kenë kaluar kurrikulën që ata kanë filluar të zbatojnë, e cila e ka shndërruar mësuesin në një ?burokrat tipik? dhe nxënësin në një fizkulturist të rëndomtë të njohurive.
Këto janë ndër impaktet e para negative të kurrikulës së zbatuar me ?reformën e re” nga Rama dhe që natyrisht do t?i vijë koha të matet se sa ajo është përvetësuar nga 15-vjeçarët dhe nga testi PISA.
Kjo ishte përgjigja e gjatë.
Më lakonikja për Ramën dhe për atë që i ka bërë ai arsimit në këto vite është:
“Prit gomar të mbijë bar”, pastaj ?hajt na trego arat?.