E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Dokumenti-Shpartallimi i PD në Vlorë/ Flamur Noka emëron delegatët

12 Dhjetor 2016, 10:34, Aktualitet CNA

Përplasjet dhe shpartallimi i degës të PD-së në Vlorë nuk po ndalen. Vetëm 5 ditë nga kuvendi i degës, përçarja është thelluar dhe problemet vetëm shtohen. Të shtunën në Vlorë do ketë një kuvend dege që në fakt është një ndeshje e trukuar në tavolinë nga i deleguari i Lulzim Bashës, deputeti Flamur Noka.

Citynews ka raportuar për skandalet më emërimet e kryetarëve të grupseksioneve, zgjedhjen e tyre pa korum, ndarjen e grupseksioneve në kundërshtim me statutin etj.

Pas të gjithë këtyte veprimeve anti staturore dhe me sjelljen prej përçarësi, Flamur Noka së fundit ka zgjedhur vetë delegatët dhe përfaqësuesit e një komune. Disa ditë më parë Noka tentoi të zhvillonte zgjedhjet në grup seksionin e Novoselës por demokratët e braktisën duke e lënë të vetmuar. Në mungesë të zgjedhjeve ai ka emëruar vetë delegatët. Pas përplasjeve të së shtunës në kryesi ka vazhduar edhe më përjashtime dhe hakmarje ndaj drejtuesve të PD në bazë.

Burime nga PD Novoselë i thanë Citynews se lista e mëposhtme (FOTO 2) është kryesia e Novoselës e cila do çohet si listë delegatësh në kuvendin e degës. Nën/kryetari i grupseksionit Fisnik Petani në krah ka shënimin KA IK, drejtuesi i seksionit 4400 po me shënimin KA IK të zëvendësohet dhe në fund të listës është emri Asqeri Bulla, anëtari i kryesisë të degës së PD në Vlorë që mban shënimin KA IK. Ky i fundit është një nga personat që u përplas ashpër me Flamur Nokën, mbledhjen e së shtunës duke i kërkuar llogari për përjashtimin e demokratëve nga procesi, mesa duket Noka është hakmarrë edhe ndaj tij duke e përjashtuar.

Në komunën Novoselë nuk ka pasur asnjë proces zgjedhor për zgjedhjen e delegatëve, por Noka ka firmosur një listë bashkë me sekretaren e degës duke emëruar të gjithë delegatët për në Kuvend, pra duke vendosur ai kush do shkojë të votojë, duke paravendosur kështu edhe rezultatin në tavolinë.

Ndoshta ky është ndryshimi i premtuar dje nga Lulzim Basha, nga zgjedhje ti emërojmë edhe delegatët./Citynews