E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

FOTOT/Qendra e Tiranës do betonizohet më tej/Veliaj rikthen kullën në krah të hotel Tiranës?!

12 Dhjetor 2016, 09:21, Aktualitet CNA

Kryebashkiaku i Tiranës Erjon Veliaj po ndjek hap pas hapi të gjitha gjurmët e lëna përgjysëm nga Edi Rama në kohën kur ky i fundit drejtonte bashkinë e Tiranës.

Veliaj e filloi menjëherë më unazën e vogël të kryeqyteëtit, e cila ka sjellë thjesht dhe vetëm një trafik edhe më të rënduar në Tiranë.

Ai filloi me unazën e vogël dhe më pas mbylli sheshin Skendërbej, për të filluar punimet dhe për ta kthyer atë zonë në një shesh të madh me disa pemë dhe një parking nën tokë.

Të gjitha lëvizjet e Veliajt janë punët e lëna përgjysëm nga Edi Rama kur drejtonte Tiranës. Vetëm këtë herë nga një ndryshim. Rama e filloi me projektin e kullave, më pas me sheshin dhe nuk bëri asnjë hap për unazën e vogël.

Veliaj e filloi pak ndryshe, filloi unazën, rrethoi sheshin, po ndërton një parking pa leje dhe nga ana tjetër ka rikthyer në tavolinë kullat e famshme me 25 apo 30 kate të Edi Ramës.

Këto kulla u shfaqën fillimisht në një projekt të qendrës së Tiranës ku disa qiell gërvishtëse do e rrethonin atë. Nga këto kulla disa janë ndërtuar, një përballë Kishës Ortodoksë, një pas sahatit, por projekti ka disa pas Teatrit të Operas, një tjetër midis Muzeut dhe Hotel Tiranës, një në karah të hotelit ku do shembën shtëpitë e vjetra, dhe të paktën një tjëtër përballë Teatrit të Operas.

Një asambël me kulla 25 dhe 30 kate të cilat ishin zhdukur prej kohësh nga tavolina e zhvillimit urbanistik të tiranës. Sot rikthehen për tu ndërtuar nga Veliaj.

Një kullë është ajo midis hotel Tiranës dhe Muzeut Histroik Kombëtar. Kullë e cila në prezantimet e para të Ramës u sulmua fort dhe ish-kryebashkiaku i atëhershëm u tërhoq, por me përfundimin e Unazës së Vogël dhe ndërtimit të sheshit pjesa për ndërtim është thuajse gati. Unaza u ndërtua, sheshi në përfundim, dhe rruga që dikur shërbente si aks për automjete do shërbeje si truall për të ndërtuar një kullë me 25 deri në 30 kate.

Veliaj ndryshe nga Rama nuk e filloi direkt nga kullat, por fillimisht ndërtoi një unazë që shtoi trafikun, një parking pa leje dhe tani pronën publike, po e kthen në një kulle për interesat klienteliste të kryeministrit Rama./Citynews