web counter
LEXO PA REKLAMA!

SHKARKO APP

App Store
Google Play

E fundit!

x

Video- Merrnin mjete me qera dhe i deklaronin të vjedhura/ Arrestohen 2 persona

12 Dhjetor 2016, 12:31, Aktualitet CNA

Policia e Shtetit ka arrestuar dy persona dhe ka shpallur dy të tjerë në kërkim pasi merrnin mjete me qira dhe më pas i deklaronin të vjedhura.

Burime nga policia bëjnë me dije se shtetasit e arrestuar jënë Safet Rizvani, 22 vjeç, banues në Fier dhe Denis Dukiç, 30 vjeç, banues në Zagreb, Kroaci.

Gjithashtu, policia ka shpallur në kërkim shtetasit F. B. (të dhëna të tjera nuk jepen për arsye hetimi) dhe M. K., 30 vjeç.

Shtetasit e lartë përmendur dyshohen se ushtronin aktivitetin e kundraligjshëm të trafikimit të mjeteve motorrike, nga hetimet e kryera ka rezultuar se këta shtetas merrnin mjete me qira në kompani të ndryshme, me qëllim trafikimin e tyre jashtë Republikës së Shqipërisë, në drejtim të shtetit Serb, ku më pas i deklaronin të vjedhura.

Safet Rizvani në bashkëpinim me shtetasin Denis Dukiç, dyshohet se më datë 11.12.2016, kanë tentuar të trafikojnë një automjet të tipit ?Skoda Superb?, mjet i cili është marrë me qira nga shtetasi Denis Dukiç tek një kompani për dhënien e mjeteve me qira.

Gjithashtu shtetasi Safet Rizvani në bashkëpunim me shtetasin M. K., më datë 26.11.2016, dyshohet të kenë trafikuar drejt shtetit Serb, mjetin tip ?Skoda Oktavia?, të marrë me qira tek një kompani për dhënien e mjeteve me qira, mjet të cilin e kanë denoncuar të vjedhur më datë 30.11.2016, në Kumanovë të Maqedonisë.

Kjo veprimtari është organizuar nga shtetasi F. B.

Materialet i?u kaluan Prokurorisë pranë Gjykatës së Shkallës së Parë Tiranë, për veprën penale ?Trafikim i mjeteve motorrike?.





Lajmet e fundit nga