web counter
LEXO PA REKLAMA!

SHKARKO APP

App Store
Google Play

E fundit!

x

Ministri Dervishaj me ambasadoren Çeke/ Në 2017 fillon ndërtimi i linjës hekurudhore Tiranë-Rinas-Durrës 

12 Dhjetor 2016, 12:26, Aktualitet CNA

Ministri i Transportit dhe Infrastrukturës Sokol Dervishaj ka pritur në një takim Ambasadoren e Republikës së Çekisë Branislava Tamasova dhe përfaqësuesin e kompanisë  hekurudhore çeke ?AZD PRAHA?, Peter Liska.

Gjatë takimit përfaqësuesi I kompanisë ?AZD PRAHA? dhe Ambasadorja Tamasova, I dorëzuan Ministrit Dervishaj studimin e fizibilitetit për modernizimin e linjës hekurudhore Durrës- kufiri me Malin e Zi.

Për Ministrin ky është hapi I parë për të vijuar më tej me fillimin e një projekti konkret, për të modernizuar këtë linjë hekurudhore.

Ministri Dervishaj tha se pala shqiptare është shumë e interesuar në zhvillimin e transportit hekurudhor, për ti dhënë një ndihmesë të madhe jo vetëm pasagjerëve, por edhe biznesit.

Dervishaj theksoi se lidhja Durrës-Hani I Hotit dhe më tej me Malin e Zi, e fut Hekurudhën Shqiptare në rrjetin europian të hekurudhave, duke I dhënë një mundësi të madhe shkëmbimeve tregtare.

Ministri tha se rivitalizimi i transportit hekurudhor sjell zhvillimin e porteve shqiptare, që mund të shërbejnë si porta hyresë për kompanitë e mëdha.

Më tej Dervishaj tha se Ministria synon rivitalizimin e këtij transporti, ku një nga zhvillimet  konkrete pritet të Pranverën e 2017, ku do të fillojnë punimet për ndërtimin e linjës hekurudhore Tiranë-Rinas-Durrës.

Ambasadorja Tamasova tha se Cekia po mbështet prej vitesh Shqipërinë në zhvillimin e transportit hekurudhor, që ka një potencial të madh për vendin dhe rajonin.





Lajmet e fundit nga