E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Pas Vlorës dhe Himarës përplasje në Selenicë/ Flamur Noka kërkon të emërojë kryetarin e PD-së

9 Dhjetor 2016, 12:28, Aktualitet CNA

Në bashkinë Selenicë po zhvillohen zgjedhjet për kryetar të degës të PD, por si në rastin e Vlorës apo Himarës përplasjet janë të forta. I deleguari i Lulzim Bashës, deputeti Flamur Noka po përplaset me strukturat duke refuzuar të sjellë emrat e propozuar nga baza, por kërkon që ai ta vendosë vetë kryetarin e degës të PD për bashkinë Selenicë.

Një burim i tha Citynews se me Selenicën, skandali është akoma edhe më i madh dhe përplasjet në Vlorë apo zgjedhjet në Himarë. ?Z.Sokol Hodaj, kryetar i Grupseksionit Vllahinë është propozuar nga 80% e strukturave dhe Z.Noka i tha: Nuk ta sjell emrin se po të erdhi emri ti fiton dhe unë dua dikë tjetër Kryetar për degën e Selenicës?, sqaron burimi.

Një tjetër drejtues i strukturave në Selenicë duke folur për Citynews tregon përplasjet dhe zgjedhjet në këtë degë.

?Ne të gjithë kryetar dhe sekretar seksionesh, 87 nga 110 gjithsej, i bemë një peticion për futjen në garë të Sokolit dhe ai nuk pranoi, një kopje të peticionit me firmat, nr e telefonave dhe nr e kartës së identitetit e ka Z.Noka, por ai i përbuzi të gjitha. Të gjithe kemi marrë vendim unanim mos të lemë Flamurin të zhvillojë zgjedhjet sipas qejfit të tij, konferenca do prishet dhe pritet të ketë trazira atë ditë, prandaj po e shtyn ditën e zgjedhjeve se i ka të gjitha informacionet dhe po përpiqen me te gjitha menyrat dhe format ta detyrojnë Sokol Hodaj të terhiqet nga gara dhe të zgjedhë Flamur Noka manikinin e tij?.

Skandali me zgjedhjet në Selenicë vjen menjëherë pas përplasjeve në Himarë ku Flamur Noka zgjodhi kryetarin e degës të PD, ish sekretarin e OMONIA-s me vetëm 27 vota, në Novoselë ku u detyrua ta anullojë mbledhjen, apo në Vlorë ku po shkarkon dhe emëron kryetarë seksionesh dhe grup-seksionesh me firmën e tij.

Burime i thanë Citynews se për të gjitha problematikat në Vlorë është vënë në dijëni edhe kreu demokrat Lulzim Basha, i cili nuk ka reaguar ndaj këtyre përplasjeve dhe zgjedhjeve të manipuluara në Vlorë, HImarë apo Selenicë.

Flamur Noka ka ardhur këtu me urdhër të Bashës dhe po bën lëmsh Vlorën, po dëbon njerzit nga PD-ja. Kudo në cdo grupseksion apo degë ka mbi 80% të njerëzve kundër. Noka do vijë dhe ikë që këtu dhe dega e Vlorës, Himarës apo Selenicës do jenë më keq se kurrë ndonjëherë, vetëm me përjashtime dhe dëbime PD do marrë minimumin e minimumit historik të votave, theksoi një nga drejtuesit lokale të PD në qytetin e Vlorës./Citynews