web counter
LEXO PA REKLAMA!

SHKARKO APP

App Store
Google Play

E fundit!

x

Çfarë e tremb Edi Ramën në zgjedhje?

9 Dhjetor 2016, 11:18, Aktualitet CNA

*Nga Elvi FUNDO

Kryeministri Edi Rama  ka statruar fushatën elektorale për zgjedhjet parlamentare të vitit të ardhshëm.

Rama ka emëruar të deleguarit në qarqe, ka përgatitur grupet e punës dhe është duke i dhënë dorën e fundit listës së deputetëve që do përfaqësojnë Partinë Socialiste.

Nga ana tjetër ai ka dhënë një sinjal të qartë që koalicioni do të ketë tre kryetare, duke rikonfirmuar Ilir Metën dhe duke shtuar Shpëtim Idrizin. Ilir Meta në vitin 2013 i çoi koalicionit jo pak por 180 mijë vota, ndërsa Idrizi çon në koalicionin e majte të paktën 50 mijë vota që shumica janë të djathta. Në çdo rast dhe me një ulje të votave tek socialistët Edi Rama dhe koalicioni i Rilindjes duket të ketë një avantazh të madh votash në tavolinë.

Por ky koalicion sa i sigurt për fitore ka sjellë edhe frikën dhe panikun e kryeministrit Rama.

Veprimet e tij për të futur PDIU, në koalicion dhe nga ana tjetër duke folur si nacionalist janë skemë me dy anë. Njëra që të thithë vota të djathta, tjetra që votat e nacionalistëve ti kalojë tëk PS.  Të mbaj afër por të marr kauzën.

Kjo lëvizje e Ramës do sillte një dobesim të Ilir Metës dhe LSI-së në koalicion. Çamët në koalicion nuk do lejojnë që Meta të mbledhë gjithë mbetjet e votave nga partitë e tjera të vogla. Formula mund ti favorizojë Çamët në disa zona elektorale si në Fier, Vlorë, Durrës, Tiranë apo Dibër. Nga ana tjetër në disa zona të tjera votat e PDIU mund të çojnë shtesa në thesin e Ilir Metës, por prapë janë me influenca të vogla për të siguruar mandate.

Në përfundim ajo që e tremb Edi Ramën në zgjedhje nuk është PD dhe opozita, që ende duket e brishtë dhe e dobët. Problemi dhe frika reale e Edi Ramës është forcimi i LSI, prandaj dhe ai përdor skenarët nacionalistë dhe afrimin e çamëve në koalicion. Ai kërkon që partia e Idrizit të shkojë në 7-9 mandate duke dobësuar më çdo kusht Ilir Metën dhe punuar fort për mos fuqizimin e tij.

LSI në zgjedhjet lokale shkoi afërsisht 280 mijë vota me një rritje 100 mijë vota me 2013. LSI shpreson të paktën 250 mijë vota për të shkuar tek afërsisht 24-26 mandate deputetësh. Kjo rritje e LSI-së tremb Edi Ramën, prandaj ai kërkon që ta dobësojë duke futur PDIU në koalicion.

Problemi i Ramës nuk është PD dhe opozita por aleati i tij më i madh, forcimi i LSI-së është problemi që ka Edi Rama në zgjedhjet e ardhshme parlamentare.* shkruar për Citynews.al





Lajmet e fundit nga