web counter
LEXO PA REKLAMA!

SHKARKO APP

App Store
Google Play

E fundit!

x

Ben Blushi del me propozime për reforme politike

9 Dhjetor 2016, 13:46, Aktualitet CNA

Deputeti i LIBRA, Ben Blushi ka publikuar një paketë propozimesh që i quan reformë politike,

Ai ka vendosur 7 pika që fillojnë me votën e emigrantëve dhe mbyllen me lehtësimin e procedurave për referendumet. Blushi nuk ka lenë pa përmendur edhe Presidentin nga populli. Më poshte propozimet e plota të Ben Blushit.

PROPOZIME PËR NJË REFORMË POLITIKE

Sot në datën 9 dhjetor ka skaduar afati i Komisionit të Reformës Zgjedhore, pa asnjë produkt dhe pa asnjë amendament të paraqitur.

Respektivisht, Rilindja dhe PD sabotuan votimin e emigrantëve, numërimin elektronik si dhe kufizimin dhe kontrollin e financave të tyre. Ndërkohë, Komisioni Europian i ka përcaktur zgjedhjet si një kusht për integrimin europian të vendit, i cili u theksua edhe nga kancelarja Merkel para disa ditësh.

Eshtë hera e parë që rrezikojmë të shkojmë në zgjedhje pa reformë zgjedhore. Zakonisht janë qeveritë ato që nuk duan reformë zgjedhore, por këtë herë edhe opozita e tradhëtoi kauzën e vet për më shume cilësi në zgjedhje.

Në këto kushte, LIBRA po përgatit disa propozime në formë amendamentesh.
LIBRA do të bëjë publike shumë shpejt një Paketë për Demokracinë, e cila parashikon më shumë demokraci direkte si dhe disa ndryshime në sistemin tonë politik.

LIBRA është e vendosur për:
1. Garantimin e votës së emigrantëve shqiptarë;
2. Komisione zgjedhore të depolitizuara;
3. Kontroll dhe audit ndërkombëtar të financimit të partive politike;
4. Numërim elektronik të votës;
5. President nga populli;
6. Parlament më të vogël, me 100 deputetë;
7. Lehtësim të procedurave kushtetuese për referendum popullore.





Lajmet e fundit nga