web counter
LEXO PA REKLAMA!

SHKARKO APP

App Store
Google Play

E fundit!

x

Biseda me tone të ashpra/ Zbardhet telefonata Rama-Tsipras

5 Dhjetor 2016, 21:36, Aktualitet CNA

Një bisedë telefonike me tone të acaruara mes kryeministrit të Shqipërisë, Edi Rama dhe homologut grek Alekises Cipras, e ka cilësuar gazeta greke Kathimerini telefonatën e para dy javëve.

?Kathimerini? ka zbardhur edhe përmbajtjen e bisedës mes tyre.

Sipas ?Kathimerini-t?, mesdita e 22 Nëntorit ka qenë jo pak nervoze për kryeministrin grek pas telefonatës me homologun shqiptar.

Burime të besueshme qeveritare i thanë gazetës se Edi Rama i është drejtuar me tone të larta kryeministrit grek, Aleksis Tsipras duke i kërkuar sqarime për ndalimin e dy punonjësve të Ministrisë së Jashtme shqiptare, të cilët u kapën më 14 nëntor në Kakavijë duke transportuar libra shkollorë që sipas Gjykatës Greke të Janinës kishin përmbajte propagandistike.

Kathimerini thotë se Tsipras reagoi ashpër ndaj tonit të lartë të kryeministrit shqiptar, duke i thënë këtij të fundit se është e paimagjinueshme që diplomatët të transportojnë libra për nxënësit që konvertojnë pikëpamjet e publikut drejt mendësive irredentiste.

Siç thotë ?Kathimerini? telefonata ka patur një prapavijë të fortë diplomatike në Bruksel para shpalljes së raportit vjetor të Komisionit Europian për Shqipërinë, që ka rekomanduar hapjen e negociatave për anëtarësim.

Sipas ?Kathimerini? Greqia u gjend para rezistencës së fortë të Italisë dhe Austrisë, për të mos përfshirë në raport-progresin e Shqipërisë çështje që lidhen me minoritetin grek.

Më tej gazeta shkruan se në këtë situatë kryeministri Tsipras ka planifikuar në fillim të Janarit një vizitë në Beograd për të forcuar aleancat në rajon.





Lajmet e fundit nga